OLUTU lwaatseyiveta lwa Namibia[Law Society of Namibia] olwa thaneke kutya ohahende ha yilongele moVenduka na yi mwenekwe yaa longe we ongo hahende miinima yopampango moshilongo.Omutseyimpango, Thersius Biermann otaka pulakenwa mbala kongundu yevulikitho yopamautho ndjoka yi li kohi yUuministeli Wuuyuki.
Epulakeno lye ota li ningwa konima sho ekonakono lya mono kutya otashi vulika a kale ena ondjo yekengelelo noshowo yoku longithapo iimaliwa mbyoka a li iinekelelwa yoodola oomiliyona ne.Ekonakono lya LSN lyomumvo 2010 , lya ningilwe kehangano lyedhina ISG Risk Services olya thaneke kutya Biermann na katukilwe oonkatu dhomeendelelo noshowo na mwenekwe oku longa iilonga yuutseyimpango moNamibia.Iizemo yomakonakono ngoka ga ningwa ku ISG Risk Services oya ulike kutya Biermann otashi vulika a kale ena ondjo momayono ge li omilongo 66. Omiyonena ndhika ota ku fekelwa dhina sha nelongitho nayi lyiimaliwa mbyoka iinekelelwa. Ota ku fekelwa woo kutya Biermann okuna iiningwanima itaa yi tsu kumwe neithano lye, noshowo kutya ina iyutha komautho go paithano nogopaveta.Ekonakono olya ti Biermann otashi vulika woo a kale ena ondjo yuuhasha wopailonga , moshinima shelanditho lyeliko ihaali inyenge. Biermann okwa ti kena ondjo noshowo kutya kena esiku a monikile ondjo nenge a lombwelelwe kutya okwa li iihumbata nayi nenge a longo shoka shaana uuyuki. Okwa ti ye kena esiku limwe a pulilwe a holoke komeho ga LSN nenge gompangu yontumba.Okwa ti okwa li a shangelwa oombapila odhindji dha za ko LSN ndhoka dha ulike kutya ina monika nando eihumbato lyasha ewinayi.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
