OSHILANDO shepangelo lyoshitopolwa Oshikoto osha tegelela etungo lyendiki lyoongeshefa lyongushu yoodola oomiliona 14 li tungwe mpoka mbala.
Omunambelewa omukuluntu gwoshilando shoka Samuel Mbango okwa ti etungo lyendiki ndika otali ka etela aakalimo yomo shitopolwa shoka iilonga, noyendji ota ya longo nale oshoka endiki ndika olya tamekwa okutungwa nale. Endiki ota li kala lya tseyika Omuhama Business Hub nota li tungwa kehangano lyokutunga lyedhina Onamagongwa Construction. Endiki ndika pahapu dha Mbango ota li kala li na oongeshefa ngaashi ndjoka ya Shoprite, ositola yiikulya, noombelewa dhUuministeli Wiipindi noofabulika. Ewiliko lyoshilando shOmuthiya olya gandja woo iilonga komahangano geli gatatu opo ga tule mo iipumbiwa momahala gomagumbo mpoka tapa ka tungwa omagumbo ge li omathele gaali poshilando. Mbango okwa ti iilonga mbika oyo ku tula ominino dhomeya mevi, ominino dhoku kutha po oonyata momagumbo ngoka, okutula po omalusheno. Iilonga mbika oya pewa omahangano ga yooloka ngaashi EMS Contractors.Iilonga iikwawo oya pewa Hue -Waldt Electrical and Construction, omanga iilonga yoondjila ya pewa ehangano lya Namibia Roads Products Services. Iilonga mbika oya li ya gandjwa nale mu Desemba nokwa tegelelwa omahangano ngaka ga tameke okulonga omwedhi nguka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
