Omuthigululwakalo oshinima sha simana; Pohamba ta ti

OMUTHIGULULWAKALO oshinima sha simana kOmuNamibia kehe, tagu dhana onkandangala onene mOmulandu gwOmbepo yEdhiminathanepo molwashoka momithigululwakalo omo moka Aanamibia taye ya pamwe nokutseyathana, taya igililathana noku ulikilathana kehe gumwe ongushu yomuthigululwakalo gwe.

Ndhika odha li dha popiwa kOministeli yOpevi yAanyasha, Omaudhano nOmithigululwakalo, Pohamba Shifeta, pethimbo ta egulula Oshituthi shOmithigululwakalo mOshitopolwa sha Shana, sha ningilwan pOseko yOpombanda ya Andimba Toivo ya Toivo pOluno mOlyomakaya ngaka ga zi ko. Omupeviminista Shifeta ta ti kutya aluhe pomathimbo giidhano yopamithigululwakalo, Aanamibia ohaya topolelathana omithigululwakalo dhawo omiwanawa na opo tuu mpoka Aanamibia otaya panga esimanekathano, euvathano, uukumwe paitopolwa nuukumwe wopashilongo ashihe.Shifeta ta ti Africa omuyamba pamithigululwakalo, e na omaudhano gi ili nogi ili, iihongomwa yi ili noyi ili, omusika, omaimbilo, iikulya, omagumbo nomizalo ndhoka hadhi zalwa pamithigululwakalo dhi ili nodhi ili dhopaNamibia, paAfrika.”Pethimbo lyUukoloni, Aakalonyeki yetu oya li inaya hala omithigululwakalo dhetu noya kambadhala ngashi taya vulu, oku dhi teya po.Taye tu shololitha okulongitha omithigululwakalo dhetu noku tu lombwela kutya aniwa iinima yaapaagani, kayi shi yOpakriste.Okuza nee mpoka sho uukoloni wa hulu po, otwa kala tu na ompumbwe onene yomithigululwakalo dhetu, na onawa nee sho pethimbo ndika, tatu yeni ishewe kumwe, tu unganekeni omithigululwakalo dhetu notu dhi kalekeni po ishewe dha kola ngashi dha li nale.”Pohamba Shifeta ta ti ngaaka omanga oshigwana shoka sha li mpoka tashi pandula nokuligola.Ta ti kutya Uuministeli wawo, okupitila mOshikondo shoka shi na sha nIithigululwa nOmithigululwakalo, otau kondjo okuyambulapo omithigululwakalo dhoshilongo noshigwana opo kundjangekwe nawa iitalenti nomagano ogendji gopamuthigululwakalo ngoka ge li mAanamibia, ya ete po oongeshefa dhopamuthigululwakalo, opo kuyambulwepo wo ngeyi nemona lyoshilongo.Oshoka mokuyambulapo oongeshfa dhIinima yopamuthigululwakalo omo wo moka oshilongo tashi etelwa oshimaliwa kaatalelipo mboka taye ya okutalela po koNamibia nokulanda iinima yawo mbika noshimaliwa shopondje shoka tashi nkondopaleke shoka sha Namibia.Omupeviminista Shifeta ta ti kutya eyambulopo lyomithigululwakalo mokati kaagundjuka mOosikola moka oshinima sha simana noonkondo molwashoka aanyasha oyo oshigwana shokomongula shoka osho tashi vulu okukaleka po omithigululwakalo dhoshigwana dhi na omwenyo sigo aluhe.Shifeta ta ti kutya omolwaasho Uuministeli we tau kondjo okweeta po nokukaleka po Ooprograma dhomithigululwakalo dhaanyasha mOosikola, ano Ooclapa dhAanasikola miinima yopamuthigululwakalo ngashi oondjokonona, omalaka, ontseyo yiinima yopamuthigululwakalo, oliterasi, nosho tuu.Ayihe mbika, Pohamba ta ti, otayi ka tula aanyasha yetu ponkatu yeshiwo lyiikwamithigululwakalo, oku dhi yambula po noku dhi kaleka po dhi na omwenyo.Omupeviminista ta ti kutya ngashi kombinhga yomalaka getu gOshiAfrica, ngele itaku kondjwa ga kale taga popiwa nopomahala ngoka omanene, nena otaga kana po thilu.”Omalaka getweni goshiluudhe natu ga longitheni nokuga kaleka po ge na omwenyo ngashi ngaa ngoka omakwiilongo.”Pohamba Shifeta ta ti ngaaka.Oshituthi shika shomithigululwakalo pOluno, osha li sha kalwa kOmupeviminista gwOomina Henock ya Kasita, Aakuluntu yElongo mOshitopolwa sha Shana, Kansola Ismael Uugwanga, ngoka a popi pehala lyaGavena Klemens Kashuupulwa ngoka ina vula okuthika na Meya gwOndoolopa ya Ndangwa Kauna Nashandi, ngoka a taamba aanashituthi ayehe.Ookansela yalwe oya li wo ya thika.Opwa li oongundu dhomithigululwakalo omulongo dha yooloka ndhoka wo dha kutha ombinga memwenyeko lyaakwashituthi.Aashana otaya ti kutya ngele Iitopolwa yilwe itayi endelele nuumvo ekopi otaya yi nalyo.Omupeviminista Shifeta ta ti kutya aluhe pomathimbo giidhano yopamithigululwakalo, Aanamibia ohaya topolelathana omithigululwakalo dhawo omiwanawa na opo tuu mpoka Aanamibia otaya panga esimanekathano, euvathano, uukumwe paitopolwa nuukumwe wopashilongo ashihe.Shifeta ta ti Africa omuyamba pamithigululwakalo, e na omaudhano gi ili nogi ili, iihongomwa yi ili noyi ili, omusika, omaimbilo, iikulya, omagumbo nomizalo ndhoka hadhi zalwa pamithigululwakalo dhi ili nodhi ili dhopaNamibia, paAfrika.”Pethimbo lyUukoloni, Aakalonyeki yetu oya li inaya hala omithigululwakalo dhetu noya kambadhala ngashi taya vulu, oku dhi teya po.Taye tu shololitha okulongitha omithigululwakalo dhetu noku tu lombwela kutya aniwa iinima yaapaagani, kayi shi yOpakriste.Okuza nee mpoka sho uukoloni wa hulu po, otwa kala tu na ompumbwe onene yomithigululwakalo dhetu, na onawa nee sho pethimbo ndika, tatu yeni ishewe kumwe, tu unganekeni omithigululwakalo dhetu notu dhi kalekeni po ishewe dha kola ngashi dha li nale.”Pohamba Shifeta ta ti ngaaka omanga oshigwana shoka sha li mpoka tashi pandula nokuligola.Ta ti kutya Uuministeli wawo, okupitila mOshikondo shoka shi na sha nIithigululwa nOmithigululwakalo, otau kondjo okuyambulapo omithigululwakalo dhoshilongo noshigwana opo kundjangekwe nawa iitalenti nomagano ogendji gopamuthigululwakalo ngoka ge li mAanamibia, ya ete po oongeshefa dhopamuthigululwakalo, opo kuyambulwepo wo ngeyi nemona lyoshilongo.Oshoka mokuyambulapo oongeshfa dhIinima yopamuthigululwakalo omo wo moka oshilongo tashi etelwa oshimaliwa kaatalelipo mboka taye ya okutalela po koNamibia nokulanda iinima yawo mbika noshimaliwa shopondje shoka tashi nkondopaleke shoka sha Namibia.Omupeviminista Shifeta ta ti kutya eyambulopo lyomithigululwakalo mokati kaagundjuka mOosikola moka oshinima sha simana noonkondo molwashoka aanyasha oyo oshigwana shokomongula shoka osho tashi vulu okukaleka po omithigululwakalo dhoshigwana dhi na omwenyo sigo aluhe.Shifeta ta ti kutya omolwaasho Uuministeli we tau kondjo okweeta po nokukaleka po Ooprograma dhomithigululwakalo dhaanyasha mOosikola, ano Ooclapa dhAanasikola miinima yopamuthigululwakalo ngashi oondjokonona, omalaka, ontseyo yiinima yopamuthigululwakalo, oliterasi, nosho tuu.Ayihe mbika, Pohamba ta ti, otayi ka tula aanyasha yetu ponkatu yeshiwo lyiikwamithigululwakalo, oku dhi yambula po noku dhi kaleka po dhi na omwenyo.Omupeviminista ta ti kutya ngashi kombinhga yomalaka getu gOshiAfrica, ngele itaku kondjwa ga kale taga popiwa nopomahala ngoka omanene, nena otaga kana po thilu.”Omalaka getweni goshiluudhe natu ga longitheni nokuga kaleka po ge na omwenyo ngashi ngaa ngoka omakwiilongo.”Pohamba Shifeta ta ti ngaaka.Oshituthi shika shomithigululwakalo pOluno, osha li sha kalwa kOmupeviminista gwOomina Henock ya Kasita, Aakuluntu yElongo mOshitopolwa sha Shana, Kansola Ismael Uugwanga, ngoka a popi pehala lyaGavena Klemens Kashuupulwa ngoka ina vula okuthika na Meya gwOndoolopa ya Ndangwa Kauna Nashandi, ngoka a taamba aanashituthi ayehe.Ookansela yalwe oya li wo ya thika.Opwa li oongundu dhomithigululwakalo omulongo dha yooloka ndhoka wo dha kutha ombinga memwenyeko lyaakwashituthi.Aashana otaya ti kutya ngele Iitopolwa yilwe itayi endelele nuumvo ekopi otaya yi nalyo.