OMUTENGENEKO mwaalu gwiimaliwa yepangelo otagu ka tulwa poshitaafula moshigongi shopashigwana metiyali lyoshiwike tashiya.
Minista Yiimaliwa, Saara Kuugongelwa Amadhila okwa tseyithile oshigongi oshiwike shika kutya omutengenekwa mwaalu gwiimaliwa mbyoka epangelo lya thaneka oku ka longitha otagu ka tulwa komeho gegumbo momilongo ndatu ga Maalitsa.Omutengeneko thaneko ohagu tulwa komeho gaatotimpango opo ye guzimine omanga omiyalu ndhika inaadhi longithwa kooministeli dhepangelo mokulonga iilonga yadho.Pethimbo lye leshelo etitatu lyomutengenekwa mwaalu, omuperesidende gwoshilongo, Hifikepunye Pohamba okwa tegelelwa a ka popithe oshigwana moshipopiwa she sha tseyika nawa, Epopitho kombinga yonkalo yoshigwana. Moka omuperesidende oha ndjokonona shoka oshilongo nepangelo lya etapo nokwaadha uule womumvo gwiimaliwa gwa piti , ye oha holola ishewe omathaneko kutya oshike oshilongo sha dhiladhila okuninga po,opo shaadhe oondjo dhi dhasho omumvo ngoka. Omuperesidende oha ndjandjukununa ishewe ondjila nkene omathaneko gepangelo taga ka tulwa miilonga na oolye taaya kala noshinakugwanithwa okushininga.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
