Omuteleki omukulu a patulula Osikola yUunahotela

OMUTELEKI omukulu, meme Saima Ndemwiimba, ngoka a longa mOohetela odhindji moshitopolwa shokonooli uule woomvula omulongo na sha, okwa patulula Osikola yokulonga uunahotela nomapashiyono mOshakati nomOhangwena.

Meme Saima okwa longa ethimbo ele miilonga mbika yOohotela, moka a mona ontseyo oyindji nokwa longa wo aateleki oyendji iilonga mbika, e ya pa ontseyo oyindji ya nkene ye na okukala nuuyogoki, okuteleka iikulya yomaludhi ga yooloka, okuyakula ookasitoma, okuyala oombete, okuyakula oongodhi, nosho tuu.
Meme Saima ngoka hi ithanwa wo meme Ndokotola, okwa tokola nee opo a patulule Osikola yokulonga iilongwa mbyoka, opo a kwathele aagundjuka mboka ya mana osikola, ihe inaa mona iilonga nenge omatsikilo opo yeki ilonge iilongwa yuunahotela yo ya kalonge moohotela nenge ya katameke oongeshefa dhawo dhokulanditha iikulya.
‘Onda hala okulonga epipi lyaagundjuka lyi ilonge wo okulonga miilonga mbika yUunahotela ,unene tuu yokulongekidha iikulya. out na Oohotela odhindji miitopolwa oyindji yoshilongo, tadhi pula aaniilonga mboka ye na ontseyo.
Onda hala okutopola ontseyo yandye naagundjuka yoshilongo shetu,’ meme Saima ta popi ngaaka.
Okwa ti Osikola ndjika otayi ka kala nokulonga iilongwa ngaashi kombinga yuuyogoki, okulongekidha nokuteleka iikulya, okulonga niikulya, uunahotela, okuyalula iilandithomwa nenge ositoka, okuyakula oongodhi nosho wo omalweendo nuutalelipo.
Aanasikola mboka ya mana ootundi, otaaka kala haya pewa omadheulo moohotela dha yooloka moshitopolwa.
Osikola ndjika tayi adhika mOshakati, otayi adhika konima yo Corner Life pOkandjengedi pegumbo lyameme Saima. Oshitayi oshipe tashi ka patuluka pOhangwena otashi ka patuluka momasiku 9 gaFebuluali momatungo ga tate Usko Nghaamwa.
Uuyelele wa gwedhwapo otawu monika kongodhi ya meme Saima ko: 081 2912 574.