Omutalelisikola omukulu tatekulu Paulus Haufiku a hulitha ombaadhilila

O MULONGISIKOLA, Omukuluntusikola nokwa li wo Omutalelisikola omukulu tatekulu Paulus Opomanga yaHaufiku gwopOngenga mOukwanyama mOshitopolwa sha Hangwena, a tseyika wo nedhina Poh, okwa mana oondjenda dhe ombaadhilila sho ohauto ye yi idehenge mumwe nonkwawo lwopOmuthiya mOndonga mOshitopolwa sha Shikoto mondjila onene yopokati kOshivelo nOndangwa komatango geti 26 Juli 2006.

Nakusa tatekulu Paulus ya Haufiku, ngoka a adhika e na oomvula 64 noomwedhi dhontumba, okwa kala omulongisikola nOmukuluntusikola pOngenga ethimbo ele, omanga ina ninga Omutalelisikola, moka a adhika sho a yi moshipundi shevululuko oomvula dha zi ko. Okwa kala wo gumwe gwomaawiliki yOpashigwana mOngenga nomOshitopolwa ashihe sha Hangwena.Nakusa tatekulu Haufiku okwa thiga ko omukulukadhi gwe meme Frieda Haufiku, oyana naatekulu.Ota fumvikwa mOlyomakaya ngaka twa thinda pOngenga okuzilila mOngeleka yawo ya Ngenga, omanga Oshituthidhimbulutho she tashi kala ko komatango gEtitano ndika twa thinda pegumbo lye pOngenga mpoka.Oshifo shetu otashi gandja omahekeleko koonakuthigwapo atuheni.Okwa kala wo gumwe gwomaawiliki yOpashigwana mOngenga nomOshitopolwa ashihe sha Hangwena.Nakusa tatekulu Haufiku okwa thiga ko omukulukadhi gwe meme Frieda Haufiku, oyana naatekulu.Ota fumvikwa mOlyomakaya ngaka twa thinda pOngenga okuzilila mOngeleka yawo ya Ngenga, omanga Oshituthidhimbulutho she tashi kala ko komatango gEtitano ndika twa thinda pegumbo lye pOngenga mpoka.Oshifo shetu otashi gandja omahekeleko koonakuthigwapo atuheni.