Omusita Dama a fumvikwa pOnandjaba mOkalongo

O MUSITA omukulukulu gwa Elcin, a li moshipundi shevululuko, tatekulu Lukas Ixwaimwe Dama gwomOnandjaba mOkalongo mOshitopolwa sha Musati ngoka a manene oondjenda dhe mOshipangelo mOshakati meti 19 Juli moluuwehame nomepipi lyoomvula tadhi tengenekwa po 99, okwa fumvikwa mOlyomakaya (28 Juli 2007) pOnandjaba okuzilila mOngeleka ya Elcin pOnandjaba.

Nakusa tatekulu Dama, ngoka yamwe taya ti kutya okwa valwa momumvo 1904, na kashi shi momumvo 1908 ngashi sha shangwa melandulathano lyoshitiuthi, okwa thiga ko oyana, uutekulu nuutekulululwa nota hokololwa a kala ethimbo ele Omusita gwa Elcin pOnandjaba noshowo mOmagongalo gi ili ngi ili ga Elcin moshilongo, unene tuu mUumbangalantu. Oyendji otaye mu lili a li Omusita omukokoli gwEgongalo lya Nandjaba omwaanawa, ka lila okathima koluko, omupukululi nomunandjungu miilonga ye yokuuvitha ohapu ya Kalunga Oshituthidhimbuluko osha li ko komatango gEtitano lya zi ko lyeti 27 Juli 2007 pegumbo lye pOnandjaba mpoka, mpoka pwa li engathithi enene lyaalilasa.Omudhimba gwe ngoka gwa lala megumbo lye pOnandjaba mpoka ogwa zilwe nago kokila yOshipangelo shEpangelo sha Shakati omutenya gwEtitano ndjoka ,lya zi ko nokweetwa pegumbo lye pOnandjaba mpoka kEhangano lyokufumvika lya tate Kapia, okuzilila kOutapi kOmbalantu.Aasita oyendji lela yOngeleka ya Elcin noyOongeleka oonkwawo, taya kwatelwa komeho ku Amushangandjayi omukulu gwo CCN Omundohotola Abisai Sheyavali, oya li ya kala pOshituthidhimbuluko she noshowo pOshituthifumviko she mpoka noku mu thindikila nombili.Opwa li oongundu odhindji dhomalwiimbo, ngashi ndjoka yAalumentu mEgongalo lya Nandjaba, yEgongalo lya Nandjaba yoyene, ya Faleniko noshowo ndjoka yOshitayi sha Kambebe, Eyambeko lOmwene, Ileni tu imbileni Omwene nosho tuu.Ondjokonona ya nakusa tate Dama oya etwa po ku tate Barkias Haimbodi.Ewi lyOmbelewa yOmupresidende gwOshilongo tali etwa po ku tatekulu Simon Mzee Kaukungwa naandyoka lyoSwapo ku Kansela gwOshikandjohogololo sha Kalongo tate John Hakae.Tatekulu Kaukungwa okwa indile kEwiliko lyOngeleka ya Elcin, li tule po Oshiketha shOpenzela yAasita nOombiishofi mboka taya penzelwa, oshoka ohaya ka kala monkalo yokumona iihuna paliko uuna ye li miipundi yevululuko.Euvitho olya ningwa kOmumbiishofi e li moshipundi shevululuko tatekulu Appolos Kaulinge omanga eyapulo lyOmudhimba lya ningwa kOmumbiishofi naye e li mOshipundi shevululuko Omundohotola Kleopas Dumeni.Mwene gwoshilongo sha Kalongo tatekulu Mathias Walaula naye wo okwa eta po ewi pehala lyElelo lyOpamuthigululwakalo lya Kalongo ndyoka lya leshwa pehala lye kulimwe lyOmalenga ge mesiku lyOshituthidhimbuluko.Piituthi ayihe mbika iyali, shedhimbuluko noshefumviko lye, opwa li pwa kala engathithi enene lela lyaalilasa.Ayehe ya popi poshituthidhimbuluko noshowo pwaashoka shevumviko lye, oya tanga tatekulu Dama, a li Omulithi omwaanawa gwoonzi dha Kalunga moNamibia nopuushinda wo mu Angola moka.Omusita e li moshipundi shevululuko tatekulu Herman Shongolo, ngoka a kala kuume ka nakusa tatekulu Dama oye a popi pehala lyookuume nokupopya kutya ye nanakusa tatekulu Dama oya enda oondjila oonde, oompu noondhigu lela mokuuvitha Evaengeli mokati koshigwana moNamibia noshowo mo Angola moka.Taya uvithile oshigwana nokushi shasha nelalakano lyoku shi ninga Oshikriste lela.Oyendji otaye mu lili a li Omusita omukokoli gwEgongalo lya Nandjaba omwaanawa, ka lila okathima koluko, omupukululi nomunandjungu miilonga ye yokuuvitha ohapu ya Kalunga Oshituthidhimbuluko osha li ko komatango gEtitano lya zi ko lyeti 27 Juli 2007 pegumbo lye pOnandjaba mpoka, mpoka pwa li engathithi enene lyaalilasa.Omudhimba gwe ngoka gwa lala megumbo lye pOnandjaba mpoka ogwa zilwe nago kokila yOshipangelo shEpangelo sha Shakati omutenya gwEtitano ndjoka ,lya zi ko nokweetwa pegumbo lye pOnandjaba mpoka kEhangano lyokufumvika lya tate Kapia, okuzilila kOutapi kOmbalantu.Aasita oyendji lela yOngeleka ya Elcin noyOongeleka oonkwawo, taya kwatelwa komeho ku Amushangandjayi omukulu gwo CCN Omundohotola Abisai Sheyavali, oya li ya kala pOshituthidhimbuluko she noshowo pOshituthifumviko she mpoka noku mu thindikila nombili.Opwa li oongundu odhindji dhomalwiimbo, ngashi ndjoka yAalumentu mEgongalo lya Nandjaba, yEgongalo lya Nandjaba yoyene, ya Faleniko noshowo ndjoka yOshitayi sha Kambebe, Eyambeko lOmwene, Ileni tu imbileni Omwene nosho tuu.Ondjokonona ya nakusa tate Dama oya etwa po ku tate Barkias Haimbodi.Ewi lyOmbelewa yOmupresidende gwOshilongo tali etwa po ku tatekulu Simon Mzee Kaukungwa naandyoka lyoSwapo ku Kansela gwOshikandjohogololo sha Kalongo tate John Hakae.Tatekulu Kaukungwa okwa indile kEwiliko lyOngeleka ya Elcin, li tule po Oshiketha shOpenzela yAasita nOombiishofi mboka taya penzelwa, oshoka ohaya ka kala monkalo yokumona iihuna paliko uuna ye li miipundi yevululuko.Euvitho olya ningwa kOmumbiishofi e li moshipundi shevululuko tatekulu Appolos Kaulinge omanga eyapulo lyOmudhimba lya ningwa kOmumbiishofi naye e li mOshipundi shevululuko Omundohotola Kleopas Dumeni.Mwene gwoshilongo sha Kalongo tatekulu Mathias Walaula naye wo okwa eta po ewi pehala lyElelo lyOpamuthigululwakalo lya Kalongo ndyoka lya leshwa pehala lye kulimwe lyOmalenga ge mesiku lyOshituthidhimbuluko.Piituthi ayihe mbika iyali, shedhimbuluko noshefumviko lye, opwa li pwa kala engathithi enene lela lyaalilasa.Ayehe ya popi poshituthidhimbuluko noshowo pwaashoka shevumviko lye, oya tanga tatekulu Dama, a li Omulithi omwaanawa gwoonzi dha Kalunga moNamibia nopuushinda wo mu Angola moka.Omusita e li moshipundi shevululuko tatekulu Herman Shongolo, ngoka a kala kuume ka nakusa tatekulu Dama oye a popi pehala lyookuume nokupopya kutya ye nanakusa tatekulu Dama oya enda oondjila oonde, oompu noondhigu lela mokuuvitha Evaengeli mokati koshigwana moNamibia noshowo mo Angola moka.Taya uvithile oshigwana nokushi shasha nelalakano lyoku shi ninga Oshikriste lela.