Omuprima gwaSingapore ta futwa ondjambi oshona

OMUPRIMA Minista,gwa Singapore, Lee Hsien Loong noominsta dhe ota ka futwa kashona nuumvo.

Eshunopevi lyoondjambi dhaawiliki ya Singapore olya landula enyenyeto ndyoka lya ningwa koongundu dhompilameno kombinga yoondjambi dhaawiliki mboka dhili pombanda unene.Epangelo lyoshilongo shoka olya tokola okushunitha pevi oondjambi dhiilyo yokabinete nooperesenda 36. Ndele nando ongawo omutse gwepangelo lya Singapore oye natango ta kala omuwiliki ha futwa nawa muuyuni oku yeleka nayalwe.Singapore oha futu nokupandula aaniilonga noshowo aawiliki mepangelo nawa, nelalakano oku hila nokukaleka miilonga mbyoka, aaniilonga yena iitalendi nontseyo ombwanawa. Oshinima shika osha nyenyetwa kongundu yompilameno ndjoka mu May gwa piti ya li ya mono iipundi yomwaalu guli nawa mehogololo.Ota ku tiwa Lee oha kwata oodola dha America oomiliona 2,3 , ndele ondjambi ye ota yi shuna pevi sigo opoodola dha America oomiliona 1,7 pamathaneko gokomittee yoku talulula oondjambi omumvo gwayi.Nando ondjambi ya Lee oya tulwa pevi oye natango ta kala ena ondjambi yi li pombanda okuyeleka na yakwawo ngaashi, Donald Tsang gwa Hong Kongo ngoka ha kwata oodola dhAmerica omayovi omathele 500 000 komumvo.Ota kala natango evule omuprima gwa Australia, Julia Gillard ngoka ha taamba oodola dha Amerika omayovi omathele 498 200 komumvo omanga omuperesidende gwa America Barack Obama oha mono oodola omayovi omathele 400 000 komumvo . Aakalimo oyendji ya Singapore ota ya ngongota iinima yesiku kehe ta yi ningi ondilo ngaashi omagumbo nofuto yiiyenditho. Moshilongo shokamuna woo omwaalu omunene gwaaniilonga ya za pondje.