Omupresidende gwa Sudan Omar al-Bashir a talelapo Darfur

K HARTOUM – Omupresidende gwa Sudan Omar al-Bashir mEtitatu lyoshiwike shika okwa li a talelepo oshitopolwa sha Darfur oshikando shotango, konima sho Ompangu yokupangula aantu mboka ya longa iikoya yopaigwana ya popi kutya na kwatwe po a ka pangulilwe omapopyo kutya oye a li omutse omunene momadhipago gaantu ga nyanyaleke moshitopolwa shika.

A li ta ndaanisa oongalo dhopamuthigulukwalo tayi imbi omaigidho gOshiIslama, Bashir okwa li a popitha ongundu yaantu omayuvi mondoolopa ya el-Fasher, mpoka a li e ya uvanekele kutya ote ke ya etela ehumokomeho nombili moshitopolwa. “Otwa hala okutuma etumwalaka ndika muuyuni: tse aantu yombili…otwa hala ombili…otse ta tu vulu okweeta po ombili mu Darfur,” al-Bashier osho a popi ngaaka.Ota ka talelapo ondoolopa adhihe ndatu oonene moshitopolwa shika.Otaku popiwa kutya al-Bashier okwa uvaneke kutya mu Darfur otamu ka etwa Oosikola odhindji, Ooyunivesiti nooproyeka dhegandjo lyomeya koshigwana, al-Bashir okwa ti Darfur ota ka kwatakanithwa wo konzo onene yolusheno muule wethimbo efupi, opo olusheno kaalu kale we talu gu ko moshitopolwa shoka.Oyendji yomAaraba moshilongo shika oya li ya kutha omatati mu Darfur kuyele momumvo 2003 nokulwitha Epangelo, taya nyenyeta kutya olye ya lyatela pevi.Epangelo olya li nee lya yamukula pakulombwela aakwashigwana (oyendji yomuyo ye li Aaraba) ya kuthe wo omatati ya kondjithe Oorebele dha Darfur na ota ku popiwa kutya Aaraba mbaka oya li aniwa ya dhipaga aantu oyendji nokukwata wo aakiintu koonkondo mu Darfur.Omahangano omagandjimakwathelo oga tengeneke kutya aantu ye li 200 000 oya si mu Darfur omanga ye li oomiliyuna mbali oshinkwanu ntano, ya li ya thigi po omagumbo gawo.Lwopokati mpoka, ehangano lyUukumwe wa Afrika olya popi kutya otali ka ninga eindilo kOlaata yEgameno yIigwanahangano yi kuthe po eindilo kutya al-Bashir na ka pangulwe.Ominista yIikwapondje ya Nigeria Ojo Maduekwe okwa lombwele iikundaneki kutya Afrika ota ka ninga eindilo ndika opo ku ningwe oonkundathana dhi na sha nokuhulitha po omakuyunguto mu Darfur.Maduekwe shika okwe shi popi konima yoshigongi shomeendelelo shOlaata yEgemeno nOmbili yehyangano lyUukumwe wAafrika, sha li sha ningwa okukundathana kombinga yetokolo lyOmpangu ndjika kutya al-Bashir na kwatwe po a ka pangulwe.Nampa-AFP”Otwa hala okutuma etumwalaka ndika muuyuni: tse aantu yombili…otwa hala ombili…otse ta tu vulu okweeta po ombili mu Darfur,” al-Bashier osho a popi ngaaka.Ota ka talelapo ondoolopa adhihe ndatu oonene moshitopolwa shika.Otaku popiwa kutya al-Bashier okwa uvaneke kutya mu Darfur otamu ka etwa Oosikola odhindji, Ooyunivesiti nooproyeka dhegandjo lyomeya koshigwana, al-Bashir okwa ti Darfur ota ka kwatakanithwa wo konzo onene yolusheno muule wethimbo efupi, opo olusheno kaalu kale we talu gu ko moshitopolwa shoka.Oyendji yomAaraba moshilongo shika oya li ya kutha omatati mu Darfur kuyele momumvo 2003 nokulwitha Epangelo, taya nyenyeta kutya olye ya lyatela pevi.Epangelo olya li nee lya yamukula pakulombwela aakwashigwana (oyendji yomuyo ye li Aaraba) ya kuthe wo omatati ya kondjithe Oorebele dha Darfur na ota ku popiwa kutya Aaraba mbaka oya li aniwa ya dhipaga aantu oyendji nokukwata wo aakiintu koonkondo mu Darfur.Omahangano omagandjimakwathelo oga tengeneke kutya aantu ye li 200 000 oya si mu Darfur omanga ye li oomiliyuna mbali oshinkwanu ntano, ya li ya thigi po omagumbo gawo.Lwopokati mpoka, ehangano lyUukumwe wa Afrika olya popi kutya otali ka ninga eindilo kOlaata yEgameno yIigwanahangano yi kuthe po eindilo kutya al-Bashir na ka pangulwe.Ominista yIikwapondje ya Nigeria Ojo Maduekwe okwa lombwele iikundaneki kutya Afrika ota ka ninga eindilo ndika opo ku ningwe oonkundathana dhi na sha nokuhulitha po omakuyunguto mu Darfur.Maduekwe shika okwe shi popi konima yoshigongi shomeendelelo shOlaata yEgemeno nOmbili yehyangano lyUukumwe wAafrika, sha li sha ningwa okukundathana kombinga yetokolo lyOmpangu ndjika kutya al-Bashir na kwatwe po a ka pangulwe.Nampa-AFP