LIBREVILLE – Epangelo lya Gabon goshiwike shika olya tseyitha eso lyOmupresidende gwoshilongo shika, Omar Bongo Ondimba, ngoka oye e li Omupresidende a kala koshipundi shUupresidende ethimbo ele kwaayehe mwAafrika.
Bongo, ngoka Epangelo lye lya li lya nyatekwa kiilongo yokoraputo mbyoka ya li , okwa li e na oomvula 73 na okwa hulithile mOkilinika mu Spain. Bongo okwa lele Gabon (shoka sha li sha kolonyekwa ku France) okuza momumvo 1967 na okwa li a yakulilwa mOkilinika yimwe mu Barcelona sha Spain, e na uuvu wokaankela yokomandjandja.
Omuprimaminista gwa Gabon, Jean Eyeghe Ndong, okwa popi mOtelevisi yopashigwana Gabon ota ka lilwa pashigwana uule womasiku ge li 30 moshilongo ashihe.
Okwa ningi eindilo kAaGabon ya kale mengungumano noya kale yi imanga kumwe pethimbo ndika lyoluhodhi. Bongo koshipundi okwa yi ko pakwathelo lya France na okwa li a lela Epangelo ndyoka lya ka ninga eyamba momahooli omanga oyendji yomaakwashigwana ya Gabon (ye li omiliyuna yimwe oshinkwanu ntano), ya kala ye moluhepo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
