Omupresidende e egulula Oparlaimende

A ATOTI yooveta oye na ookweeta po ooveta dhi na sha nokunawapeka uuhupilo wAanamibia, tadhi eta po oompito dhiilonga nokushunitha pevi oluhepo.

Shika osha popiwa kOmupresidende Hifikepunye Pohamba mEtiyali, sho a egulula pambelewa Omutumba omutitatu gwOparliamende. Okwa ti ye okwa tegelela iilyo yOmutumba gwOparliamende yi ka endelelithe epititho lyoontotwaveta nomatsokumweuvathano gopaigwana.Okwa ti oshinakugwanithwa shaatoti yooveta okukandulapo omaupyakadhi agehe ngoka oshigwana sha taalela.Omupresidende Pohamba okwa dhenge wo omuthindo kutya aatotiveta oye li aapika yoshigwana sha Namibia.Oye na okulongitha uunongomboka ya mono miigongiilonga mbyoka haya ningilwa ya nkondopeke oonkundwampata dhawo mOparliamende.Ta ti, eegululo lyOparliamende inali talika ko ong’oshinima shoka shi na ashike okuningwa, ano shampa owala tashi ningwa, ihe oshi li ompito ya pumba mpoka iikondo itatu yEpangelo tayi ya pamwe.Ongaashi nee ongundu Ompitithi, Ontonti nOmpanguli hadhi ya pamwe.Omupresidende Pohamba natango okwa endulula euvaneko lye kutya ota ka komba mo ekorapto mEpangelo e ta indile wo kiilyo yOparliamende, yi yambidhidhe Okomisi yekondjitho lyiilonga mbika, ndjoka ya li ya tulwa miilonga pambelewa iiwike iyali ya piti po.Okwa ti Oveta yEkondjitho lyEkorapto ndjoka ya pitithwa kOparliamende momumvo 2003, oshinima sha simana noonkondo molwashoka otayi eta po okupangela ku li nawa nokwiiwetikilwe.Pohamba okwa ti ye okwa nyanyukilwa wo Omunashipundi gwOmutumba gwOpashigana nogwOlaata yOpashigwana, sho ya eta Oparliamende popepi noshigwana, ta ti, shika otashi nkondopeke uundemokoli.Pohamba okwa ningi wo eindilo kiilyo yOparliamende kayi patele pondje aantu mboka ye na uulema miikwaparliamende.Petungo lya Tintenpalast (moka omu na Omutumba gOpashigwana opwa tungwa uutalapa wokukwathela aanuulema ya ye metungo ndika nuupu na okuniwe wo edhiladhilo mu etwe embamba lyokufala aantu mbaka pofulula yotango.Eegululo lyOparliamende olya li lya dhanwa niidhano yopamuthigululwakalo nomasaluto gaakwiita, sho Omupresidende a thiki, e li pamwe nomukulukadhi gwe meme Penexupifo.Konima, iilyo yOparliamende, Aapanguli yOmpangu onene, Aanadiplomaate naawilikikuluntu yOokampani dhi ili nodhi ili, oya li ya hiwa kiitendelelo yawo, ya li ye yi longekidhilwa kOmunashipundi gwOmutumba gwOpashigwana Theo-Ben Guriran nogwOlaata yOpashigwana Asser Kapere.Omunashipundi omukulu gwOmutumba gwOpashigwana, Omundohotola Mose Tjitendero na Kandy Nehova, ngoka a li nale Omunashipundi gwOlaata yOpashigwana nOmunapolitika omukuluntu, Andimba Toivo ya Toivo, nayo opo wo ya li peegululo lyOparlaimende mEtiyali.Okwa ti ye okwa tegelela iilyo yOmutumba gwOparliamende yi ka endelelithe epititho lyoontotwaveta nomatsokumweuvathano gopaigwana.Okwa ti oshinakugwanithwa shaatoti yooveta okukandulapo omaupyakadhi agehe ngoka oshigwana sha taalela.Omupresidende Pohamba okwa dhenge wo omuthindo kutya aatotiveta oye li aapika yoshigwana sha Namibia.Oye na okulongitha uunongomboka ya mono miigongiilonga mbyoka haya ningilwa ya nkondopeke oonkundwampata dhawo mOparliamende.Ta ti, eegululo lyOparliamende inali talika ko ong’oshinima shoka shi na ashike okuningwa, ano shampa owala tashi ningwa, ihe oshi li ompito ya pumba mpoka iikondo itatu yEpangelo tayi ya pamwe.Ongaashi nee ongundu Ompitithi, Ontonti nOmpanguli hadhi ya pamwe.Omupresidende Pohamba natango okwa endulula euvaneko lye kutya ota ka komba mo ekorapto mEpangelo e ta indile wo kiilyo yOparliamende, yi yambidhidhe Okomisi yekondjitho lyiilonga mbika, ndjoka ya li ya tulwa miilonga pambelewa iiwike iyali ya piti po.Okwa ti Oveta yEkondjitho lyEkorapto ndjoka ya pitithwa kOparliamende momumvo 2003, oshinima sha simana noonkondo molwashoka otayi eta po okupangela ku li nawa nokwiiwetikilwe.Pohamba okwa ti ye okwa nyanyukilwa wo Omunashipundi gwOmutumba gwOpashigana nogwOlaata yOpashigwana, sho ya eta Oparliamende popepi noshigwana, ta ti, shika otashi nkondopeke uundemokoli.Pohamba okwa ningi wo eindilo kiilyo yOparliamende kayi patele pondje aantu mboka ye na uulema miikwaparliamende.Petungo lya Tintenpalast (moka omu na Omutumba gOpashigwana opwa tungwa uutalapa wokukwathela aanuulema ya ye metungo ndika nuupu na okuniwe wo edhiladhilo mu etwe embamba lyokufala aantu mbaka pofulula yotango.Eegululo lyOparliamende olya li lya dhanwa niidhano yopamuthigululwakalo nomasaluto gaakwiita, sho Omupresidende a thiki, e li pamwe nomukulukadhi gwe meme Penexupifo.Konima, iilyo yOparliamende, Aapanguli yOmpangu onene, Aanadiplomaate naawilikikuluntu yOokampani dhi ili nodhi ili, oya li ya hiwa kiitendelelo yawo, ya li ye yi longekidhilwa kOmunashipundi gwOmutumba gwOpashigwana Theo-Ben Guriran nogwOlaata yOpashigwana Asser Kapere.Omunashipundi omukulu gwOmutumba gwOpashigwana, Omundohotola Mose Tjitendero na Kandy Nehova, ngoka a li nale Omunashipundi gwOlaata yOpashigwana nOmunapolitika omukuluntu, Andimba Toivo ya Toivo, nayo opo wo ya li peegululo lyOparlaimende mEtiyali.