Omupolisi omukuluntu a gama ombinga

OMUGANDJIMALOMBWELO gwopolisi moshitopolwa shaKaras , komufala gwopevi, Josephat Abel okwa lundilwa kutya ina longa nuuyuki, aniwa sho a gandja osheenditho kaanambelewa yopolisi opo ya ye kefumviko lyomwanamati gwomupolisi gumwe omukuluntu, kuumbangalantu woshilongo.

Aanambelewa kaa ya uvite nawa oya ti aniwa, Abel okwa li a tindi oku ya pitika ya pewe osheenditho opo ya ye nasho kefumviko lyomuniilonga omukwawo moKeetmanshoop.Abel okwa ti, omukonakoni ndjai, Sebastian Ndeitunga oye a koleke olweendo ndoka talu nyenyetwa konima sho a tuminwa eindilo kaanambelewa mboka ya yile kefumviko hoka.Sho a pulwa kombinga ye eindilo ndyoka lya ningilwe kuyele, pethimbo lyefumviko lya Constable, Norman Bock, Abel okwa ti, nakusa Bock okwa fumvikwa moshitopolwa sha Karas.Naanambelewa mboka ya ningile eindilo oya li, yo moshitopolwa, na okwa li ngaa shili sha pumbiwa.Oshifo sho The Namibian osha li sha tseyithilwa kutya aanambelewa yamwe aniwa oya tula iimaliwa yolweendo noyokukala moondjato dhawo mondjila yokuya kuumbangalantu, shika oshi ikalwa ku komufala gwopevi, Abel.’Onda lombwele aanambelewa mboka ya yile molweendo ndoka opo ya futile olweendo lwawo yene’ Abel ta ti.Abel okwa lombwele aanambelewa mboka kaa ye uvite ombili opo ya gandje enyenyeto lyawo kombelewa ye, pehala lyoku matukila kiitoolinkundana.Oshifo shika osha kundana woo kutya okambesa hoka ka li ka enditha aapolisi mboka ya yile kuumbangalantu okamono oshiponga.Abel okwa koleke shika ta ti osheenditho oshi idhenge mongombe popepi nOshivelo manga aanambelewa ya li mondjila ta ya galukile koKeetmanshoop. Na eyonuko lyosheenditho ota li vulu okupangelwa.