Omupevipresidende gwa Malawi a kwatwa po shina sha nuulunga

B LANTYRE – Ompangu yOpombanda mu Malawi oya kaleka pakathimbo oshipotha shuulunga sha lopotelwa Omupevipresiende gwoshilongo shika, Cassim Chilumpha, ngoka ekwatopo lye lya tula opolitika moshiponga moshilongo shika oshihepele.

Omunavetakalelipo gwa Chilumpha, Viva Nyimba, okwa lombwele oshitumikundaneki sha Reuters kutya Ompangu yOpombanda ya kaleka manga oshipotha shika sigo kwa ningwa omakonakono kombinga yekwatopo lye, ndyoka aatseyinawa yamwe miikwapolitika taya popi kutya olya ningwa papolitika. “Tse otatu popi kutya omaihumbato gongundu yo DPP otaga piyaganeke egameno lyOveta yopaKotampango,” Nyimba osho a popi ngaaka, u ukilila Omukuluntu gwomatamaneko gopashigwana, ngoka oye a ningi etokolo kutya Chilumpha na kwatwepo.Chilumpha oku li mondholongo yomegumbo, megumbo lye mu Blantyre na okwa li kwa tegelelwa a holoke mOmpangu mEtitatu lya zi ko, a lopotelwa eyakopo lyoshimaliwa pethimbo a li Ominista yElongo oomvula ntano dha piti po.Pethimbo ndika, Omupresidende gwa Malawi Bingu wa Mutharika, oye li moontamana oonene na Bakili Muluzi (ngoka a li nale Omupresidende gwoshilongo shika), ngoka ongundu ye yo United Democratic Front (UDP), tayi kambadhala okukutha Wa Mutharika koshipundi.Nande ongaaka, Wa Mutharika ota ti ye ke na shoka a ninga.Chilumpha oku li gumwe gwomaatotipo yongundu yo UDF noku li kuume ka Muluzi omunene.Ekwatopo lye olya landula lyaaanambelewa yatatu aakuluntu yongundu ya UDF iiwike ya zi ko, taya popilwa iilonga yokoraputo.Sho Wa Mutharika na Chilumpha kaye uvitathane we, Chilumpha iha yi ko we nokiigongi yOkabinete.UDF ota popi kutya Chilumpha okwa kongelwa ashike omapopyo giifundja nelalakano okuninga nayi iilyo yongundu ndjika.- Nampa-Reuters”Tse otatu popi kutya omaihumbato gongundu yo DPP otaga piyaganeke egameno lyOveta yopaKotampango,” Nyimba osho a popi ngaaka, u ukilila Omukuluntu gwomatamaneko gopashigwana, ngoka oye a ningi etokolo kutya Chilumpha na kwatwepo.Chilumpha oku li mondholongo yomegumbo, megumbo lye mu Blantyre na okwa li kwa tegelelwa a holoke mOmpangu mEtitatu lya zi ko, a lopotelwa eyakopo lyoshimaliwa pethimbo a li Ominista yElongo oomvula ntano dha piti po.Pethimbo ndika, Omupresidende gwa Malawi Bingu wa Mutharika, oye li moontamana oonene na Bakili Muluzi (ngoka a li nale Omupresidende gwoshilongo shika), ngoka ongundu ye yo United Democratic Front (UDP), tayi kambadhala okukutha Wa Mutharika koshipundi.Nande ongaaka, Wa Mutharika ota ti ye ke na shoka a ninga.Chilumpha oku li gumwe gwomaatotipo yongundu yo UDF noku li kuume ka Muluzi omunene.Ekwatopo lye olya landula lyaaanambelewa yatatu aakuluntu yongundu ya UDF iiwike ya zi ko, taya popilwa iilonga yokoraputo.Sho Wa Mutharika na Chilumpha kaye uvitathane we, Chilumpha iha yi ko we nokiigongi yOkabinete.UDF ota popi kutya Chilumpha okwa kongelwa ashike omapopyo giifundja nelalakano okuninga nayi iilyo yongundu ndjika.- Nampa-Reuters