OMUPEVI minista nale gwEvi, Siegfried Wohler okwa mana oondjenda.
Omupopi moshigongi shopashigwana omusamane, Theo Ben Gurirab okwa tseyitha moParliamende metiyali.
Nakusa Wohler okwa li oshilyo shoSwapo nokwa li a ulikwa omupeviminista mu Maalitsa 1999 komukokoli Presidende Sam Nujoma.Okwa li woo oshilyo shoshigongi shopashigwana shoka sha tungupo ekotampango lya Namibia 1990 nokwa kala omutotimpango sigo oosho a ulikwa a ninge omupeviminista moshikondo shevi.Wohler okwa li wo omunashipundi mewilikongundu lyehangano lyoSwapo Kalahari Holdings uule wokathimbo.Ka li a galukile moParliamende konima yomahogololo gomuNovemba 2004.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
