OSHIGWANA shaapangi moNamibia osha gandja esimaneko konkalamwenyo yomupangi ependa moshilongo, Annchen Parkhouse, ngoka a manene oondjenda dhe oshiwike shayi.
Pethimbo lyo shithidhimbuluko sha ningilwa moKatutura pegumbo lyaapangi , kuume ka nakusa Parkhouse okwa ti nguka okwa li ependa meithano lyuupangi.Omundohotola, Richard Kamwi, Ominista Yuundjolowele ngoka naye a li pedhimbuluko lya Parkhouse okwa ti nguka okwa longa oshindji meithano lyuupangi moshilongo noshowo mesiloshimpwiyu lyopaundjolowele.Okwe mu yeleke na Florence Nightingale a ti oshilongo oshina ongunga kwaashoka eshi ningile.Okwa lesha woo etumwalaka ehupi lyomuperesidende, Hifikepunye Pohamba moka a hokolola, Parkhouse sho a ti, Namibia okwa yugwa omuniilonga guundjolowele iitulamo.Ena Barlow omuniilonga pamwe na nakusa, Parkhouse uulethimbo okwa ti, Parkhouse okwa kondjela uuthemba waapangi opo ya kale taya futwa shaafaathana kutya yo aaluudhe nenge aatiligane pethimbo oshilongo inaashi manguluka.Okwa ti ishewe eitulemo lya Parkhouse olya zi mohole ye yokuhola omashongo meithano ndika lyokugandja uundjolowele koshigwana.Okwa ti Parkhouse ota dhimbulukiwa kohole ye yokugandja uuhaku koshigwana sha Namibia.Okwiigandja yemwene meyakulo lyaNamibia, nokwa longa nawa menongeko lyaapangi yoshigwana unene muundjolowele wopetameko.Parkhouse okwa li ishewe iitulamo mokulombwela aantu esimano nuuwanawa wuundjolowele wopetameko, moshikondo shuundjolowele, Ye okwa li woo iitulamo okuaadha oshigwana shina sha nuundjolowele.Okwa li a tseyithile oshigwana kombinga yiinima yi ili no yi ili sha pitile mooradio, na okwa nongeke oshigwana kombinga yuundjolowele wawo yene, osho Barlow a ti.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
