Omuntu oshifetha sha Kalunga ina opala a ulwe e na omushila; Halweendo ta ti

AMUSHANGA gwo RDP moshitopolwa sha Hangwena, Josef Halweendo, okwa gandja uusama uunene kAakwaSwapo, unene kaawiliki yo Swapo yamwe mboka haya ula yamwe, unene tuu iilyo naawiliki yo RDP kutya oye na omishila, naya kwatwe, nenge ngandi otu li kweta momushila.

Halweendo uusama mbuka okwe u gandja pethimbo a li ta popitha oshigongi shaayehe pOnangwe mOukwanyama mOshitopolwa meti’ 27 Desemba 2008. a. Ndhika tate Halweendo ota ti kutya ote dhi popi molwashoka momukunda moka Onangwe hamu ya Aaleli yamwe yOswapo taya ula Omuunganeki gwo RDP mOnangwemoka tate Jona Nepunda kutya aniwa oku na omushila, nenge oye mu kwete momushila.
‘Vakwetu, omatumbulo haa popiwa moshitopowla eshi kutya Nepunda otu mu kwete momushila, osho okuhuna neenghono. Okuhuna komunhu okudule kombwa,’Tate Halweendo ta ti nokugwedha po ta ti kutya mboka haya ula aantu ye na omishila naya kale ye shi shi kutya otaya tuku Kalunga, ngoka a ashita omuntu oshifetha she.
‘Omuntu oshifetha sha Kalunga. Kalunga a ti tu shiteni omuntu oshifetha shetu, nange nee opu na ngoka nenge mboka taya ti omuntu oku na na omushila, nena kala wu shi shi kutya oto ti na Kalunga oku na omushila nowiilongela ngawo okugeelwa omolu etukano ndjoka to tuku omuntu gwa Kalunga na Kalunga yemwene,’ Halweendo ta lombwele Aanangwemoshigongi shawo noshigwana ashihe ngawo.
Moshigongi omo tuu moka, meme Helena Nengola ngoka e li gumwe gwaawiliki yo RDP mOvenduka nokwa zile pOnangwe mpoka, okwa ti kutya Onangwe oshitopolwa sholuhepo hela sha za nale itashi mono omakwatho gasha kEpangelo. Ta ti pethimbo lyiita Onangwe oya kala tayi mono iihuna kumwe nomuwiliki gwayo tate Nepunda. Aakalimo ya kala noye li taya mono iihuna. Uunona wa kana.
Kamu na omeya, na Swapo ina ninga po sha. Meme Nengola ta ti kutya olusheno olwe ya po, konima sho RDP a totwa.
Swapo a tila a kanithe iitsa. Meme Nengola ta indile koshigwana shomOnangwe shi tsikile nokuyambidhidha omuleli gwasho tate Nepunda ngoka e shi kondjela uule wethimbo ele, okuza tuu muukoloni ndele sigo okonena ndjika. A kala ta tutu mboka ya gomboka.
Ta tutu aakulupe noku ya fala koopenzela nosho tuu oku ya shangitha moopenzela moka, ye ta uhgala ta tutu nokufala aasimba kIipangelo nokUuklinika. ‘Tate Nepunda oye omukokoli, e na olukeno olunene nomuntu omukwawo, onkee okwa pumbwa okusalutwa nokusimankewa.
Ohenda onene shili sho pu na Aanapolotika yOswapo taya ti kutya tate nepuna oku na omushila. Omuntu ha popile yakwawo ngawo keshi shoka a hala, okweetitha ohenda, oshoka okwa thingwa na keshi shapo gwomOnangwe.
Kutya wo Nepunda epuli nasho oshinima tashi popiwa kaantu kaye shi kutya oye li peni noya hala shike. Uunake tate Nepunda a kalele Epuli? Meme Nengola ta pula ngawo nokugwedha po ta indile kAakwaRDP kutya mokuuvitha ko oshigwana oshili, uuyuki nUudemokoli.
Ta indile kutya aanona inaya hongaithwa we, noshigwana inashi tsuwa we omaminimini shiipilukile po, n gashi sha ningilwe kOmusati omathimbo ga zi ko. Ta indile koshigwana shoka hashi uhala tashi tidhagulwa, ngashi unene aalongisikola naagundjuka ya kwate onyati nokugamenena po omauthemba gawo.
Me Leefa Ndapo okwa lombwela oshigwana shi kale shi shi uuthemba washo. Ta indile koshigwana oshigundjuka shi kale tashi uvitha ko aakulupe kombinga yomalunduluko noshowo kombinga yEkotampango lyoshilongo noshowo kombinga yUudemokoli. Leefa ta indile koshigwana shi kaleke po ombili ndjoka yi li po, shi ihole nokusimanekathana. Mee Lidia Shaketange gwokOhalushu, ta ti kutya RDP ongundu yombili noya hala okukaleka po ombili, esimanekathano neuvathano.
Ta indile kOokaansela, unene tuu yomOshitopolwa sha Hangwena, na gavena ya mo a kwatelwa mo, ya kale taya longele oshigwana noku shi kandulila po oompumbwe dhasho, shi vulithe ashike sho taya uhala taya hiyi iigongi yo itayi etayi eta po sha. Ta indile koshigwana shi ilongele kusho shene nokwwiikutha monkalo yokuhehela. Omupopi omunene pOshigongi shika okwa li gumwe gwomaawiliki aakulun tu yo RDP tate Khandi Nehova.