Omuniineya gwaUS ta tegelele iiwike itatu

Omuniineya gwaUS ta tegelele iiwike itatu

J ACOB ‘Kobi’ Alexander ngoka a li nale Omukuluntuwiliki gwOkampani yookompiutera yedhina Comverse Technology Inc, yi li mu New York ngoka wo a halika kEpangelo lya Amerika okwa holola ishewe mOmpangu ya Mengestrata mEtitatu.

Epangelo lya Amerika olya ninga eindilo kutya omulumentu nguka na shunithwe a pangulwe ku Amerika. Alexander pamwe nosipana ye yaanaveta nosho wo Omutamaneki-Ndjayi gwopevi Johnny Truter oya tsakanene mombelewa ya Mengestrata Sarel Jacobs konima yomiyelo dha patwa mOvenduka.Oshizemo shetsakaneno lyawo osho shoka kutya Alexander oku na okuholoka ishewe mOmpangu ya Mengestrata momasiku 16 ga Novemba.Alexander okwa holoka mOmpangu konima owala yesiku limwe sho kahewa ke ngoka ya taya longo pamwe naye mokampangi ndjika ya Comverse Technology Inc, yi li mu New York moka Alexander a li omukuluntuwiliki, a zimine kutya oku na ondjo miipotha yekengelelo.Omuniilonga pamwe na Alexander kwa li David Kreinberg oye a li omukuluntu gwoshikondo shiimaliwa mokampani ndjika sigo okesiku ndyoka ya thigipo iilonga pamwe na Alexander.Okwa li kwa tegelelwa kutya eholoke lya Alexander mOmpangu mEtitatu okuninga etokolo kutya iihokolola kombinga yeindilo lya Amerika otayi tameke unake ku talike ngele ota shunithwa ku Amerika nenge aawe.Ngashiingeyi esiku ndyoka okwa tegelelwa li ka thanekwe sho Alexander ta ka holoka mOmpangu momasiku ngoka 16 Novemba.Gumwe gwomaanaveta ya Alexander Louis du Pisani pamwe na Truter oya popi konima yetsakaneno lyawo kutya aanaveta ya Alexander inaya mona natango omushangwa gweindilo lya Amerika ngoka gwa pewa Uuministeli wUuyuuki mEtitano lya zi ko ngoka tagu pula pambelewa kutya Alexander na shunithwe ku Amerika.Aanaveta mbaka oya hala nee manga okupewa omukanda ngoka opo ye gu ilonge omanga inaya gandja esiku lyiihokolola.Otaku popiwa kutya Alexander okwa kengelela nokuyuga paineya okampani ndjoka oomiliyuna odhindji okupitila moosheya nosho wo miinima yilwe.Amerika ota popi kutya Alexander okwa yugu paineya oshimaliwa shi li poomiliyuna hamano oshinkwanu ne miimaliwa ya Amerika (US$6,4 million) shoka shi thike poomiliyuna 48 (N$48 million).Alexander, Kreinberg na William Sorin ngoka a li Menindjela gwa kwalukehe mu Comverse Technology Inc oya li aniwa ya tamanekelwa iipotha yekengelelo lwotango mu Aguste nuumvo.Kuyele oshiwike shika miikundaneki oindji ya yooloka ya Amerika oya lopota kutya Kreinberg gwomimvo 41 okwa zimine ondjo ye miipotha yekengelelo nuulingilingi.Paholokolo ndyoka lya pitithwa koshikundaneki shedhina The Boston Globe, Kreinberg okwa zimine wo okugandja elongelokumwe lye moshinima shokupangulitha Alexander.Osha fa wo shi li ngeyi kutya Kreinberg okwa pungululile iinima yimwe kombinga ya Alexander pethimbo a holoka mOmpangu yOpashitopolwa ya Brooklyn Federal mu New York.Alexander pamwe nosipana ye yaanaveta nosho wo Omutamaneki-Ndjayi gwopevi Johnny Truter oya tsakanene mombelewa ya Mengestrata Sarel Jacobs konima yomiyelo dha patwa mOvenduka.Oshizemo shetsakaneno lyawo osho shoka kutya Alexander oku na okuholoka ishewe mOmpangu ya Mengestrata momasiku 16 ga Novemba.Alexander okwa holoka mOmpangu konima owala yesiku limwe sho kahewa ke ngoka ya taya longo pamwe naye mokampangi ndjika ya Comverse Technology Inc, yi li mu New York moka Alexander a li omukuluntuwiliki, a zimine kutya oku na ondjo miipotha yekengelelo.Omuniilonga pamwe na Alexander kwa li David Kreinberg oye a li omukuluntu gwoshikondo shiimaliwa mokampani ndjika sigo okesiku ndyoka ya thigipo iilonga pamwe na Alexander.Okwa li kwa tegelelwa kutya eholoke lya Alexander mOmpangu mEtitatu okuninga etokolo kutya iihokolola kombinga yeindilo lya Amerika otayi tameke unake ku talike ngele ota shunithwa ku Amerika nenge aawe.Ngashiingeyi esiku ndyoka okwa tegelelwa li ka thanekwe sho Alexander ta ka holoka mOmpangu momasiku ngoka 16 Novemba.Gumwe gwomaanaveta ya Alexander Louis du Pisani pamwe na Truter oya popi konima yetsakaneno lyawo kutya aanaveta ya Alexander inaya mona natango omushangwa gweindilo lya Amerika ngoka gwa pewa Uuministeli wUuyuuki mEtitano lya zi ko ngoka tagu pula pambelewa kutya Alexander na shunithwe ku Amerika.Aanaveta mbaka oya hala nee manga okupewa omukanda ngoka opo ye gu ilonge omanga inaya gandja esiku lyiihokolola.Otaku popiwa kutya Alexander okwa kengelela nokuyuga paineya okampani ndjoka oomiliyuna odhindji okupitila moosheya nosho wo miinima yilwe.Amerika ota popi kutya Alexander okwa yugu paineya oshimaliwa shi li poomiliyuna hamano oshinkwanu ne miimaliwa ya Amerika (US$6,4 million) shoka shi thike poomiliyuna 48 (N$48 million).Alexander, Kreinberg na William Sorin ngoka a li Menindjela gwa kwalukehe mu Comverse Technology Inc oya li aniwa ya tamanekelwa iipotha yekengelelo lwotango mu Aguste nuumvo.Kuyele oshiwike shika miikundaneki oindji ya yooloka ya Amerika oya lopota kutya Kreinberg gwomimvo 41 okwa zimine ondjo ye miipotha yekengelelo nuulingilingi.Paholokolo ndyoka lya pitithwa koshikundaneki shedhina The Boston Globe, Kreinberg okwa zimine wo okugandja elongelokumwe lye moshinima shokupangulitha Alexander.Osha fa wo shi li ngeyi kutya Kreinberg okwa pungululile iinima yimwe kombinga ya Alexander pethimbo a holoka mOmpangu yOpashitopolwa ya Brooklyn Federal mu New York.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News