Omundohotola Diescho a popitha aanashilonga mOshakati

O MWIILONGIKAMANA a tseyika nawa gwomuNamibia Omundohotolaprofesore Joseph Diescho, ngoka pethimbo ndika e li Omugandjimayele gwAawiliki yiilongo mUuyuni, unene tuu moAfrika, e li mo Pretoria sha South Africa, mEtitano lya zi ko okwe yile okupopitha oshigongi shokomumvo shAalongisikola mOkolligi ya Ngwediva.

Okwa li wo a popitha aaniilonga yi ili noyi ili moshitopolwa, e ya popithile poshitayi shOunivesiti ya Namibia (Unam) mOshakati ongulohi yEtitano. Omundohotola Diescho okwa pandula noonkondo kehiyo ndyoka a monene okuzilila mewiliko lyOkolligi ya Ngwediva e ye a popithe Aalongisikola, nosho wo kompito ndjoka a mono a popithe aanashilonga yomaithano gi ili nogi ili mOshakati nomomudhingoloko.Omundohotola Diescho ta popi kombinga yAawiliki yoshigwana nkene ye na okuwilika nawa nankene oshigwana shi na okukala sha simaneka aawiliki yasho, kutya nee oya longwa nenge inaya longwa.Ta lombwele wo aanashigongi kutya okukala kohi yEpangelo lyUudemokoli oshinima oshiwanawa molwashoka moka oto vulu okupopya wa manguluka wu li meni lyoongomba dhOoveta nEkotampango lyoshilongo sheni, unene tuu okupopya pombanda uuna moshilongo tamu iteyele uulingilingi nelungoitapula.Ta ti oshilongo shetu osha manguluka, oshigwana osha manguluka notashi vulu okupopya sha manguluka uuna tapu ningwa iinima inayi yela.’Ngele otwa etheni iinima tayi piyagana tse twa mweneni, omanga tu na uuthemba nemanguluko lyokupopya nena otse yene tu na okukiipa ombedhi mwaashoka tashi yonuuka tse twa taleni ko twa mweneni, twa tila okupopya nokugandja oombedhi kwaamboka taya longo shoka inashi pumbiwa koshigwana.Diescho okwa popya wo sha kombinga yElongo noshowo unene kAafrika ya kale ya dhiginina IikwaAfrika nosho wo ongushu yawo ongAafrika, unene tuu Omalaka gawo nomithigululwakalo dhawo, ihe kashi shi okwoolela iinima yokiilongo noyaazaizai.Ta ti kutya Aafrica oye na okukala ye shi okwiisimaneka, ihe haku kwiipoya nayi nokunyateka omadhina ga yalwe.”Mboka twa li twa kolonyekwa, ngashiingeyi oto adha paempito odhindji otse tatu kolonyeke yakwetu, unene tuu shampa twa tulwa moombelewa oonene, inatu hala we okupopya nayakwetu mboka ye li pevi noshowo oku ya yakula nawa.”Omundohotola Diescho ta ti ngaaka.Mboka ya li moshingongi moka oya li ya pula wo nayo omapulo, ngoka Omundohotola Diescho a yamukula nuunongo wokolela nonondjungu.Omuwiliki gwUuhaku moNooli Omundohotola Naftali Hamata yo nOmuwiliki gwa Unam Nothern Campus meme Paulina Uugwanga oyo ya li ya wilike oshigongi shika sha popithwa kOmundohotola Diescho.Aye mboka ya li mo, oyendji yomuyo Aalongwantu lela, oya fuulwa komapopyo gOmundohotola Diescho nguka noku mu pandula noonkondo molwegandjo lyuuyelele lye ewanawa nolya pyokoka nawa.Omundohotola Diescho okwa pandula noonkondo kehiyo ndyoka a monene okuzilila mewiliko lyOkolligi ya Ngwediva e ye a popithe Aalongisikola, nosho wo kompito ndjoka a mono a popithe aanashilonga yomaithano gi ili nogi ili mOshakati nomomudhingoloko.Omundohotola Diescho ta popi kombinga yAawiliki yoshigwana nkene ye na okuwilika nawa nankene oshigwana shi na okukala sha simaneka aawiliki yasho, kutya nee oya longwa nenge inaya longwa.Ta lombwele wo aanashigongi kutya okukala kohi yEpangelo lyUudemokoli oshinima oshiwanawa molwashoka moka oto vulu okupopya wa manguluka wu li meni lyoongomba dhOoveta nEkotampango lyoshilongo sheni, unene tuu okupopya pombanda uuna moshilongo tamu iteyele uulingilingi nelungoitapula. Ta ti oshilongo shetu osha manguluka, oshigwana osha manguluka notashi vulu okupopya sha manguluka uuna tapu ningwa iinima inayi yela.’Ngele otwa etheni iinima tayi piyagana tse twa mweneni, omanga tu na uuthemba nemanguluko lyokupopya nena otse yene tu na okukiipa ombedhi mwaashoka tashi yonuuka tse twa taleni ko twa mweneni, twa tila okupopya nokugandja oombedhi kwaamboka taya longo shoka inashi pumbiwa koshigwana.Diescho okwa popya wo sha kombinga yElongo noshowo unene kAafrika ya kale ya dhiginina IikwaAfrika nosho wo ongushu yawo ongAafrika, unene tuu Omalaka gawo nomithigululwakalo dhawo, ihe kashi shi okwoolela iinima yokiilongo noyaazaizai.Ta ti kutya Aafrica oye na okukala ye shi okwiisimaneka, ihe haku kwiipoya nayi nokunyateka omadhina ga yalwe.”Mboka twa li twa kolonyekwa, ngashiingeyi oto adha paempito odhindji otse tatu kolonyeke yakwetu, unene tuu shampa twa tulwa moombelewa oonene, inatu hala we okupopya nayakwetu mboka ye li pevi noshowo oku ya yakula nawa.”Omundohotola Diescho ta ti ngaaka.Mboka ya li moshingongi moka oya li ya pula wo nayo omapulo, ngoka Omundohotola Diescho a yamukula nuunongo wokolela nonondjungu.Omuwiliki gwUuhaku moNooli Omundohotola Naftali Hamata yo nOmuwiliki gwa Unam Nothern Campus meme Paulina Uugwanga oyo ya li ya wilike oshigongi shika sha popithwa kOmundohotola Diescho.Aye mboka ya li mo, oyendji yomuyo Aalongwantu lela, oya fuulwa komapopyo gOmundohotola Diescho nguka noku mu pandula noonkondo molwegandjo lyuuyelele lye ewanawa nolya pyokoka nawa.