Omunawino moompango Soggot a mana oondjenda

O
MUNAWINO moompango nomupopili gwuuthemba womuntu, ngoka a li aka lelepo aaNamibia oyendji miipotha yopapolitika omanga oshilongo inaashi manguluka okwa mana oondjenda.

David Soggot okwa hulithile mepipi lyomimvo 79 oshiwike sha yi mo Johannesburg.Soggot okwa li a kalelepo iipotha yaaNamibia pethimbo ndiyaka aanawino yoompango oyendji ya li yena uumbanda okushininga, osho omunawino moompango, Dave Smuts a ti. Smuts okwa longa pamwe na nakusa Soggot uule womimvo 30.Okwa ti ota dhimbulukwa Soggoto ongo omunaveta eshi iilonga ye, nokwa li woo ha longo noonkondo no neitulemo, shika Smuts okwa ti osha li she mu fuula ongo omunaveta omugundjuka.Okwa ti shoka Soggot alongele Namibia momimvo dho 1970nomimvo 1980 osha simana, oshoka ye okwa li iilongekidha oku popya nokupatana nawa kombinga yiiningwanima yaamuka.Ye okwa li omunaveta iitulamo okupopila aapopilwa ye, shoka okwe shi ningi neitulemo.Omupopilwa gumwe gwa Soggoto okwa li ta tamanekelwa uukulo mompngu onene ya SWA pethimbo ndiyaka. Joseph Kashea ota ti nakusa Soggot okwa li omunaveta omunandunge.Kashea ngoka ngashingeyi eli amushanga gwopevi muuMinisteli wiikwagumbo, opamwe noshilyo shewawa lyaagundjuka yoSwapo, Nashilongo Taapopi oya li ta ya pangulwa kohi yompnago yuukulo yomimvo dhokatongotongo, shoka aniwa ya li ya nyolele ombapila komuleli gwoSwapo Sam Nujoma.Konima sho nakusa Soggot a uvu kutya aapopilwa ye oya li yi ikalekelwa ye okwa eta shika puuyelele mompangu opo a ulike eyono lyuuuthemba womuntu. Nonando okwa ningi onkambadhala onene, aapopilwa ye natango oya monika ondjo na oya pewa egeelo lyoku kala mondholongo oomvula mbali , no ya li ya tumwa kondholongo kontuntu ya Robben.Kashea okwa ti ando okwa li ha Soggot andola ngiika egeelo ndyoka ya pewa pethimbo ndiyaka ngiika ando olya ningi enene.Pokati komimvo 1973 no 1975 Soggot okwa li a kalelepo omubishopi, Richard Wood, omubishopi, Leonard Auala noshilyo sho Swapo, Thomas Kamati mboka ya indile ompangu onene ya SWA yi mweneke edhengo lyaa yambidhidhi yoSwapo nomapokolo moompangu dhomalelo gopamuthigululwakalo unene muumbangalantu.Oya li ya kanitha oshipotha shika ndele oya ningi eindilo shi talululwe kompangu onene yomo Bloemfontein moka sha sindana mu February 1975.Soggot okwa nyola embo li na sha nomahokololo giilonga ye yokupopila Aanambia papolitika.