OMUNASHIPUNDI gwEhangano lyAanangeshefa moNooli, tate Josef Kapya Endjala okwa tseyitha kutya omunangeshefa gwomomukunda Onethindi mOndonga moShikoto tate Jairus Shikale, a tseyika nawa nedhina Punyu, ota fumvikwa mOlyomakaya pEtilyasa mOngandjera moMusati okuzilila megongalo lyaTilyasa.
Nakusa tate Shikale, ngoka oye mwene gwOositola dhoPunyu kwali, okwamanene oondjenda dhe mOshipangelo sha Nandjokwe ongulohi yeti 29 Oktoba 2009 konima yuuwehame nomepipi lyoomvula omilongontano nomugoyi lwaampoka.Nakusa tate Punyu, nonande a valelwa kEtilyasa kOngandjera, hoka a kala pethimbo lyeputuko lye, ethimbo lye alihe lyuusamane okwe li kala mOluno mOndangwa nomOnethindi mOndonga.Okwa thiga ko nee omukulukadhi gwe meme Abia Shikale, aanona yawo yane naatekulu.Omusamane Endjala ta lombwele The Namibian kutya nakusa tate Jairus (Punyu) Shikale, otaka ningilwa Iituthidhimbuluko iyali. Shotango otashi ningwa komatango gonena megongalo lya Nguta mOluno pOndangwa. Tashi ka tameka potundi ontintano yokomatango (17H00), omanga shoka oshitiyali tashi kala ko ngula mEtitano komatango megongalo lya Tilyasa mOngandjera, nasho tashi ka tameka ngaa pethimbo lyontano yokomatango. Nakusa Shikale okwa kala gumwe gwomaanangeshefa aanene ya Namibia nokwa kwathela oshigwana oshindji lela pethimbo lye lyuunangeshefa. Oyendji otaye mu lili, a li lela gwaantu ayehe.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
