Omunangeshefa gwOsuuka pOshomeya a dhitikwa

O MUNANGESHEFA a tseyika nawa momudhingoloko gwa Shomeya, Kallie Grunschloss okwa futu obooloha yomiliyuna mEtitano lya zi ko konima sho a li a dhitikwa nokutulwa miipandeko oshiwike shoka nokuningilwa oshipotha shuulingilingi moofuto dhiishoshela nosho wo okuhenuka iifuta yiishoshela yi vulithe poomiliyuna ethele nomilongo mbali nantano (N$125 million).

Otaku popiwa kutya obooloha ndjika oyo onenenene tayi pewa omuntu nokuyi futa mu Namibia konima yemanguluko. Grunschloss gwomimvo 47, ngoka a futu obooloha ndjika koomuma konima owala yokathimbo okashona sho a holoka mOmpangu ya Mengestrata pOshomeya, okwa taalela wo omatamaneko goombumbo momakonakono ngoka taga ningwa poombelewa dhiishoshela pOshakati nosho wo po Rundu, Amushanga Omukuluntu mUuministeli wIimaliwa Calle Schlettwein ta koleke ngaaka.Grunschloss okwa li a dhitikwa mEtine konima sho kwa shainwa omukanda okuza kOvenduka kutya na dhitikwe, omugandjimulombo gwOpolisi Inspekta Omukuluntu Angula Amulungu ta popi ngaaka.Grunschloss oye mwene gongeshefa yedhina Family Choice hayi longo osuuka pOshomeya.Okwa holoka mOmpangu komeho ga Mengestrata LK Amutse omutenya gwEtitano konima sho a lala mokawilu.Okwa pewa obooloha yomiliyuna yimwe konima sho omunaveta gwe Danie Katze ya tsu kumwe nomutamaneki Zenobia Barry.Barry okwa pula wo kutya oshipotha shike nashi tuminwe kOvenduka hoka ta ka holoka momasiku 1 Desemba nuumvo.Ota kala hi ilopota kOpolisi ya Shomeya Omaandaha kehe, oku na wo okugandja oondokumende dhe dhomalweendo kOpolisi, ita vulu okuya pondje ya Namibia pwaa na uuthemba neziminino lyOpolisi, ita vulu wo okuza mosjitopolwa sha Tsumeb okuninga shila ta pewa eziminino kOpolisi.Ongundu yokuninga omakonakono moshinima shika ya kwatelwa komeho kaanambelewa yUuministeli wIimaliwa, aakonakonimambo ya za kofeema ya Ernst & Young nosho wo Opolisi oya ningi omakonakono momatungo ga Grunschloss ge li omulongo nagaali mEtine lya zi ko.Omashina ge gookompiutera nosho wo oondokumende dhilwe odha kwatwa ko nelalakano okumona uuyelele.Grunschloss oku li gumwe gwomaanangeshefa mboka ya pewa iifuta yiishoshela iipe mOnooli ya Namibia pwa piti ngashiingeyi iiwike iyali.Edhitiko lye olya holoka owala konima sho kwa ningwa omakonakono gopamambo kofeema ya Ernst & Young palombwelo lya Schlettwein sho kwa li kwa monika kutya Santa Clara itashi enditha nawa paiyemo.Embangoloto lyongeshefa ya Jacques Fobian olya yakele ko Uuministeli wIimaliwa kombinga ya nkene uulingilingi tau longwa nokugandja uuyelele wiifundja kombinga yiikwakutumwa pondje yoshilongo nokuninga omaindilo giifuta paikengelela opo andola a futwe oshimaliwa shontumba.Uulingilingi wokuhenuka ofuto yiishoshela nosho wo okugandja uuyelele waa li mondjila kombinga yiitumwa pondje nosho wo iiyetwa mo moshilongo owa dhimbululwa wa longwa ku Grunschloss nguka.Konima owala yomakonakono ngoka ga ningwa palombwelo lya Schlettwein, omunambelewa omukuluntu pombelewa yokufuta iishoshela po Rundu, Wietz Ilze nomukulukadhi gwe oya li ya kuthwa miilonga, nosho wo omunambelewa omukwawo Hans Haraseb kOshakati oya li ya kuthwa miilonga pakathimbo.Konima yethimbo, Ilze nomukulukadhi gwe oya tidhwa thilu miilonga.Gumwe gwomuyo okwa ningilwa oshipotha shukiliminola omanga Hans Haraseb ta holoka natango komeho gokomitiye yomazulo.Oshinima shedhitiko lya Grunschloss osho shotango tashi ningwa miikondo yopaumwene nosha tukula nokuli omaipulo omanene, unene tuu kombinga yaangoka a li nale omulongi gwiikwamambo ngoka a lundulula ongeshefa ye nokuyi ninga yiikulya nosuuka tayi fekelelwa poomiliyuna dhili pokati kethele nomilongo ntano nomathele gaali (N$150 million sigo N$200 million).Osuuka ye yedhina Family Choice ndjoka taku popiwa kutya oye mu ningi omilionela nenge tutye omukengeli nakupwe otashi vulika yi mu etele wo uupyakadhi.Ngele okwa pewa egeelo mwakwatela iishoshela mbyoka tayi pulwa kUuministeli wIimaliwa, ota ka duta oondola oomiliyuna ethele nomilongo heyali (N$170 million).Otaku popiwa kutya okupakela kwe kwosuuka okwo kwa e ta unene uupyakadhi molwashoka ka kwali pauyuuki nopaveta pamayalulo nokwa e ta nokuli oonakuthigathanapo naye yamwe ya thige po nokuli oshilongo nokuya komahala galwe hoka ya ka ninga oongeshefa dhawo.Edhitiko lya Grunschloss olya kumitha oyendji yomOnooli yoshilongo oshiwike sha zi ko.Oongeshefa dhilwe ndatu pOshikango nosho wo omunangeshefa gumwe a tseyika nawa pOshomeya mpoka otaya konakonwa.Schlettwein okwa koleke kutya kakele ka Haraseb, Ileze nomukulukadhi gwe, aanambelewa yalwe yaali Abner Davids na Witbooi oya kuthwa wo miilonga omanga taku ningwa omakonakono.Omapopyo galwe ngoka inaga kolekwa otaga ti kutya Grunschloss okwa sitopwa pethimbo a li a hala okutula oshimaliwa koakaunta yontumba hoka oshimaliwa itashi vulu okukwatwa ko nuupu.* John Grobler omutoolinkun-dana gwopaumwene 081 240 1587Grunschloss gwomimvo 47, ngoka a futu obooloha ndjika koomuma konima owala yokathimbo okashona sho a holoka mOmpangu ya Mengestrata pOshomeya, okwa taalela wo omatamaneko goombumbo momakonakono ngoka taga ningwa poombelewa dhiishoshela pOshakati nosho wo po Rundu, Amushanga Omukuluntu mUuministeli wIimaliwa Calle Schlettwein ta koleke ngaaka.Grunschloss okwa li a dhitikwa mEtine konima sho kwa shainwa omukanda okuza kOvenduka kutya na dhitikwe, omugandjimulombo gwOpolisi Inspekta Omukuluntu Angula Amulungu ta popi ngaaka.Grunschloss oye mwene gongeshefa yedhina Family Choice hayi longo osuuka pOshomeya.Okwa holoka mOmpangu komeho ga Mengestrata LK Amutse omutenya gwEtitano konima sho a lala mokawilu.Okwa pewa obooloha yomiliyuna yimwe konima sho omunaveta gwe Danie Katze ya tsu kumwe nomutamaneki Zenobia Barry.Barry okwa pula wo kutya oshipotha shike nashi tuminwe kOvenduka hoka ta ka holoka momasiku 1 Desemba nuumvo.Ota kala hi ilopota kOpolisi ya Shomeya Omaandaha kehe, oku na wo okugandja oondokumende dhe dhomalweendo kOpolisi, ita vulu okuya pondje ya Namibia pwaa na uuthemba neziminino lyOpolisi, ita vulu wo okuza mosjitopolwa sha Tsumeb okuninga shila ta pewa eziminino kOpolisi.Ongundu yokuninga omakonakono moshinima shika ya kwatelwa komeho kaanambelewa yUuministeli wIimaliwa, aakonakonimambo ya za kofeema ya Ernst & Young nosho wo Opolisi oya ningi omakonakono momatungo ga Grunschloss ge li omulongo nagaali mEtine lya zi ko.Omashina ge gookompiutera nosho wo oondokumende dhilwe odha kwatwa ko nelalakano okumona uuyelele.Grunschloss oku li gumwe gwomaanangeshefa mboka ya pewa iifuta yiishoshela iipe mOnooli ya Namibia pwa piti ngashiingeyi iiwike iyali.Edhitiko lye olya holoka owala konima sho kwa ningwa omakonakono gopamambo kofeema ya Ernst & Young palombwelo lya Schlettwein sho kwa li kwa monika kutya Santa Clara itashi enditha nawa paiyemo.Embangoloto lyongeshefa ya Jacques Fobian olya yakele ko Uuministeli wIimaliwa kombinga ya nkene uulingilingi tau longwa nokugandja uuyelele wiifundja kombinga yiikwakutumwa pondje yoshilongo nokuninga omaindilo giifuta paikengelela opo andola a futwe oshimaliwa shontumba.Uulingilingi wokuhenuka ofuto yiishoshela nosho wo okugandja uuyelele waa li mondjila kombinga yiitumwa pondje nosho wo iiyetwa mo moshilongo owa dhimbululwa wa longwa ku Grunschloss nguka.Konima owala yomakonakono ngoka ga ningwa palombwelo lya Schlettwein, omunambelewa omukuluntu pombelewa yokufuta iishoshela po Rundu, Wietz Ilze nomukulukadhi gwe oya li ya kuthwa miilonga, nosho wo omunambelewa omukwawo Hans Haraseb kOshakati oya li ya kuthwa miilonga pakathimbo.Konima yethimbo, Ilze nomukulukadhi gwe oya tidhwa thilu miilonga.Gumwe gwomuyo okwa ningilwa oshipotha shukiliminola omanga Hans Haraseb ta holoka natango komeho gokomitiye yomazulo.Oshinima shedhitiko lya Grunschloss osho shotango tashi ningwa miikondo yopaumwene nosha tukula nokuli omaipulo omanene, unene tuu kombinga yaangoka a li nale omulongi gwiikwamambo ngoka a lundulula ongeshefa ye nokuyi ninga yiikulya nosuuka tayi fekelelwa poomiliyuna dhili pokati kethele nomilongo ntano nomathele gaali (N$150 million sigo N$200 million).Osuuka ye yedhina Family Choice ndjoka taku popiwa kutya oye mu ningi omilionela nenge tutye omukengeli nakupwe otashi vulika yi mu etele wo uupyakadhi.Ngele okwa pewa egeelo mwakwatela iishoshela mbyoka tayi pulwa kUuministeli wIimaliwa, ota ka duta oondola oomiliyuna ethele nomilongo heyali (N$170 million).Otaku popiwa kutya okupakela kwe kwosuuka okwo kwa e ta unene uupyakadhi molwashoka ka kwali pauyuuki nopaveta pamayalulo nokwa e ta nokuli oonakuthigathanapo naye yamwe ya thige po nokuli oshilongo nokuya komahala galwe hoka ya ka ninga oongeshefa dhawo.Edhitiko lya Grunschloss olya kumitha oyendji yomOnooli yoshilongo oshiwike sha zi ko.Oongeshefa dhilwe ndatu pOshikango nosho wo omunangeshefa gumwe a tseyika nawa pOshomeya mpoka otaya konakonwa.Schlettwein okwa koleke kutya kakele ka Haraseb, Ileze nomukulukadhi gwe, aanambelewa yalwe yaali Abner Davids na Witbooi oya kuthwa wo miilonga omanga taku ningwa omakonakono.Omapopyo galwe ngoka inaga kolekwa otaga ti kutya Grunschloss okwa sitopwa pethimbo a li a hala okutula oshimaliwa koakaunta yontumba hoka oshimaliwa itashi vulu okukwatwa ko nuupu.* John Grobler omutoolinkun-dana gwopaumwene 081 240 1587