Omunandholongo mOutapi a dhengwa aniwa kOpolisi

O MUFEKELWA moshipotha shontumba gwedhina Gabriel Ananias gwoomvula dhopokati, e li ngashiingeyi mondholongo yOpolisi pOutapi mOmbalantu mOshitopolwa sha Musati, okwa shangela kOshifo shika ombapila ta ti kutya okwa dhengwa nayi kAapolisi yamwe yomOutapi moka noku li nee pethimbo ndika a kanitha uukolele noonkondo.

Kakele kehokololo lye mOmbapila ye moka, Gabriel okwa li wo a dhengele kOshifo shika nokuhepulula wo ye mwene komulungu gwe oshinima shedhengo lye shika. Gabriel ota ti nee kutya komatango geti 12 Oktoba 2006, okwa li a indile Opolisi yi mu etele iikulya ye kokombitha.Pehala lyoku ke mu etela iikulya ye ngashi shito, Aapolisi mboka a tumu, oye mu pilukile po noku mu dhenga nayi, aniwa neembulushutu.Ta ti oye mu dhenge momutse, komulungu gwopevi, moombati dhokolumoho noshowo montulo kombinga yimwe.Gabriel ota ti okwa li mokati kaanandholongo oyendji ye vulithe pomilongombali, nayo ya kala taya pula iikulya yawo, ashike, oye ngaa aniwa awike a ka dhengwa mo.Okuza mpoka Gabriel ota ti kutya okwa kala ke uvite nawa nokwa yi kOshipangelo shAutapi hoka a ka konaakonwa nokupangwa kOmundohotola Everest Nkire.A pangwa aniwa a pewa Ombapila kOpolisi yoku ke mu pangitha, ndjoka hayi ithanwa oJ88.Hayi pewa omuntu ngoka a dhengwa nokwa hala okuninga oshipotha.Sho a zi kepango lye, okwa indile aniwa kOpolisi, a tulile mo Aapolisi mboka ye mu dhenga oshipotha.Ashike aniwa okwa tindilwa ompito ndjoka yokutula mo oshipotha.Gumwe gwomAapolisi aniwa okwe mu lombwele kutya ngele ota dhilaadhila okutulila mo Aapolisi mboka ye mu dhenga oshipotha, otaye mu dhipaga.”Onda kala nee nda tila okudhipagwa, nonda etha po edhilaadhilo lyokuningila Aapolisi mboka oshipotha, nonando nda li nda hala shili oku shi ninga,” Gabriel ta hokolola.Ta ti okuza mpoka okwa kala ashike e li mondholongo moka, ta ehama nayi omutse, ontulo, oombati nomilungu, ye ta kolola omankololo gombinzi.Mokuninga ekwatathano na Komanda gwOpolisi mOshitopolwa sha Musati Komufala gwOpevi Ndahangwapo Kashihakumwa, okwa ti ye ina uva oshinima shoka nokwa uvaneke kutya ote shi konaakona.”Ngele oshoshili, omunadholongo ngoka a dhengwa kAapolisi, osha yela kutya kashi li mondjila, oshoka Aapolisi kaye na okudhenga aanandholongo ngaaka.Onkee otandi ke shi konaakona muule,” Komufala gwOpevi Kashihakumwa ta ti.Kepulo, Omundohotola Nkire, okwa koleka kutya okwa pangele shili omuvu a tya ngawo pethimbo ndyoka.E yile ko kuye a dhengwa.Ta ti okwa dhengwa kOpolisi.A li e na ombapila ndjoka yoJ88 yokuninga oshipotha konima sho a konaakonwa nokupangwa kOmundohotola gwe.Gabriel ota indile kOmahangano gUuthemba wOmuntu nokOmahangano galwe ga tale oshinima shika a ningilwa kOpolisi nomeho omatiligane.Ta ti ye mwene oku shi shi kutya mEkotampango lya Namibia kamu na omuntu e na uuthemba wokudhenga mukwawo, kutya nee okanona ke, omukulukadhi gwe, omusamane gwe nenge omumwayina nosho tuu.”Omolu omahepeko ngoka nda ningilwa, onda hala ndi kale nda futwa kOpolisi, opo ndi mone epango lyandje lya gwana,” Gabriel ta ti ngawo.Gabriel ota ti nee kutya komatango geti 12 Oktoba 2006, okwa li a indile Opolisi yi mu etele iikulya ye kokombitha.Pehala lyoku ke mu etela iikulya ye ngashi shito, Aapolisi mboka a tumu, oye mu pilukile po noku mu dhenga nayi, aniwa neembulushutu.Ta ti oye mu dhenge momutse, komulungu gwopevi, moombati dhokolumoho noshowo montulo kombinga yimwe.Gabriel ota ti okwa li mokati kaanandholongo oyendji ye vulithe pomilongombali, nayo ya kala taya pula iikulya yawo, ashike, oye ngaa aniwa awike a ka dhengwa mo.Okuza mpoka Gabriel ota ti kutya okwa kala ke uvite nawa nokwa yi kOshipangelo shAutapi hoka a ka konaakonwa nokupangwa kOmundohotola Everest Nkire.A pangwa aniwa a pewa Ombapila kOpolisi yoku ke mu pangitha, ndjoka hayi ithanwa oJ88.Hayi pewa omuntu ngoka a dhengwa nokwa hala okuninga oshipotha.Sho a zi kepango lye, okwa indile aniwa kOpolisi, a tulile mo Aapolisi mboka ye mu dhenga oshipotha.Ashike aniwa okwa tindilwa ompito ndjoka yokutula mo oshipotha.Gumwe gwomAapolisi aniwa okwe mu lombwele kutya ngele ota dhilaadhila okutulila mo Aapolisi mboka ye mu dhenga oshipotha, otaye mu dhipaga.”Onda kala nee nda tila okudhipagwa, nonda etha po edhilaadhilo lyokuningila Aapolisi mboka oshipotha, nonando nda li nda hala shili oku shi ninga,” Gabriel ta hokolola.Ta ti okuza mpoka okwa kala ashike e li mondholongo moka, ta ehama nayi omutse, ontulo, oombati nomilungu, ye ta kolola omankololo gombinzi.Mokuninga ekwatathano na Komanda gwOpolisi mOshitopolwa sha Musati Komufala gwOpevi Ndahangwapo Kashihakumwa, okwa ti ye ina uva oshinima shoka nokwa uvaneke kutya ote shi konaakona.”Ngele oshoshili, omunadholongo ngoka a dhengwa kAapolisi, osha yela kutya kashi li mondjila, oshoka Aapolisi kaye na okudhenga aanandholongo ngaaka.Onkee otandi ke shi konaakona muule,” Komufala gwOpevi Kashihakumwa ta ti.Kepulo, Omundohotola Nkire, okwa koleka kutya okwa pangele shili omuvu a tya ngawo pethimbo ndyoka.E yile ko kuye a dhengwa.Ta ti okwa dhengwa kOpolisi.A li e na ombapila ndjoka yoJ88 yokuninga oshipotha konima sho a konaakonwa nokupangwa kOmundohotola gwe.Gabriel ota indile kOmahangano gUuthemba wOmuntu nokOmahangano galwe ga tale oshinima shika a ningilwa kOpolisi nomeho omatiligane.Ta ti ye mwene oku shi shi kutya mEkotampango lya Namibia kamu na omuntu e na uuthemba wokudhenga mukwawo, kutya nee okanona ke, omukulukadhi gwe, omusamane gwe nenge omumwayina nosho tuu.”Omolu omahepeko ngoka nda ningilwa, onda hala ndi kale nda futwa kOpolisi, opo ndi mone epango lyandje lya gwana,” Gabriel ta ti ngawo.