Omunambelewa pomukunda gwa Stampriet

OMUNAMBELEWA omukuluntu gwomukunda gwaStampriet, Catherine Haimbodi a thigi po ombelewa ye.Otaku hokololwa kutya Haimbodi okwa ningile esiku hakala mosheenditho she eshi thikamitha poombelewa dhelelo lyomukunda gwaStampriet, konima sho aadha ombelewa ye yapatwa omaandaha manga ye a li a za po.

Konima yonkambadhala, ndjoka woo ya kwatela mo nopolisi opo ando yi teye po ekumba a ye mombelewa sho eya kiilonga, Haimbodi ina galukila we kiilonga metiyali oshiwike shika.Ewiliko lyomukunda gwaStampriet olya li lya hulitha po iilonga ya Haimbodi mu September omumvo gwayi, na olya li lye mu pe ethimbo sigo omu Desemba 2009 opo a kale a thiga po ombelewa ye.Ndele Haimbodi okwa li a ti okwa li itaala kutya ewilikongundu olya lelepeka euvathano lye lyiilonga ishewe noomvula ntano, na okwa tsikile noku ya kiilonga konima ya Desemba.Kuyele omunashipundi shewiliko lya Stampriet , Susanna Motinga okwa tile ewiliko kalya li li na we ompito yilwe kaayishi ndjoka yoku tidha mo Haimbodi koonkondo , oshoka ye okwa kala ta tindi okuzamo pambili.Ewiliko lyomukunda nguka olya ulike omunambelewa omukuluntu gwopakathimbo. Haimbodi ina monikwa opo a popye shakombinga yoshinima shika.