OMUPEVI wiliki gwo polisi ya Venduka, omusamane Natanael Nendongo okwa holoka mompangu metitano, ta tamanekelwa iiningwanima yiimbuluma itatu mwa katelwa , okuhinga a kolwa.
Eholoko lya Nendongo [45] ngoka oye omuwiliki gwopevi gwopolisi yoshilando sha Venduka , moshimpungu sho ku keelelaa iimbuluma okwa kwatelwe uusiku wEtitatu lyoshiwike sha yi sho osheenditho she sha li shi idhenge moshikwawo mepandaanda lya Rehobother moVenduka.Nendongo ota ku tiwa okwa thigi po ehala lyoshiponga, sho a hingi po osheenditho she ndele okwa ka kwatwa konima yethimbo nomufudho gwe ogwa kuthwa. Okwa holoka mompangu yamengestrata moVenduka komeho ga mengestrata John Sindano.Ota tamanekelwa okuhinga nomufudho gu na oalcoholi oyindji, oku hinga nuuhasha, nenge okuhinga pwaa na eitulemo, okwa tamanekelwa woo okuthikama ompango moshipala. Omweetipo gwiipotha , Helena Iipinge okwa pula mengestrata ,opo a undulile oshipotha shika komilongo 29 ga Januali 2010, manga omakonakono gopolisi taga ningwa. Nendongo, ngoka a li a kalelwa po komugameni gwopampango, Petrus Elago, okwi ikulilamo koodola dha Namibia 3 000.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
