OPOLISI ya Venduka oya ti esiku lyomumvo omupe olya li lya mwena kombinga yuutopitha mboka ha wuuumbwa oku dhana esiku ndyoka.
Nando ongaaka opolisi oya ti aantu yamwe momikunda dhimwe oya li ya nyenyeta kutya momahala gawo omwa umbwa uutopitha shaali paveta nenge inaashi pitikwa. Pahapu dhomukuluntu gwokulipo gwopolisi yoshilando, Adam Eiseb, opolisi ina yi tsakaneka uupyakadhi uunene moshinima shuutopitha. Okwa ti euliko lyiitopitha ndyoka lya ningwa ongulohi yomumvo omupe olya ningwa palongekidho na olya li lya ziminwa kopolisi naamboka ye li ningi ngaashi yoHotela ya Hilton moVenduka.Eiseb okwa ti yo ina ya taamba omanyenyeto gena sha niitopitha okuza koshigwana nenge kehangano lyoku gamena iinamwenyo.Omunduhotola gwiinamwenyo Simone Herzog po SPCA ya Venduka okwa ti kapena oshinamwenyo sha hupithwa molwashoka andola sha fadhukapo omolwa iitopitha uusiku womumvo omupe. Ndele okwa ti shika itashi ti iinamwenyo unene oombwa ka dha li dha gumwa keinyengo lyomingungumo dhiitopitha, okuyeleka nomimvo dha piti sho oombwa dhimwe dha li dha fadhukapo noku kwatwa koondhalate dhomakwega. Omundohotola Herzog okwa ti ehangano lyokugamena iinamwenyo olya taambele oombwa omathele gaali ndhoka dha li inaadhi halika kooyene ,nomwaalu gwa faathana ogwa li ishewe gwa taambwa mu Desemba.Eiseb okwa tsikile a ti moshilando kamwali iiningwanima yiiponga yinasha nelongitho lyomalovu na omwa li mwa lopotwa ashike oshiningwanima shimwe shoshihauto omolwa iikunwa. Naashika Eiseb okwiitaala kutya otashi ulike kutya elongitho lyomalovu olya li eshona. Okwa ti shika osha zi mekalepo lyopolisi momapandaanda goshilando nomomidhingoloko adhihe dhoshilando.Okwa oshinima shika osha eta iiyimati nonando momahala gamwe ngaashi mo Erospark aakalimo oya lombwele opolisi kutya omulilo ngoka gwa hwama popepi ogwa etwa kiitopitha.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
