Omumbiishofi a kwatwa po kOpolisi mOshakati

Omumbiishofi a kwatwa po kOpolisi mOshakati

O MULUMENTU ngoka ti iti kutya Omumbiishofi gwOngeleki ya Methodist mo South Afrika okwa kwatwa po kOpolisi ya Shakati ongulohi yOsoondaha ya zi ko mOshakati shi na sha nokupiyaganeka oomeme yatatu pamukalo gwoku ya kwataakwata paihulo.

Omupopiliko gwOpolisi mOshitopolwa sha Shana, Konstabela Jonas Slogan Matheus, okwa lombwele Oshifo shika kutya oya kwata po Sebastian Botuman (43), konima sho oomeme yaali, gumwe gwoomvula 25 nagumwe gwoomvula 30, ye ya lopotele kutya mOshakati omu na omulumentu ta ti kutya Omumbiishofi gwOngeleki ya Methodist, te ya kwataakwata komagundji nosho tuu. Matheus ta hokololele Oshifo shika kutya omulumentu nguka okwe yile pegumbo lyOmusita gwOngeleka ya Anglicana mOshakati moka meti 4 Aguste 2007.Ta ti ye Omumbiishofi gwOngeleki ya Methodist moSouth Afrika nokwe ya nee nolweendo lwOpambepo lwokutalela po Ooitaali moNamibia, nokwa thiki nee sigo omOshakati ngeyi.Pegumbo lyOmusita mpoka okwe ya po aniwa nOtekisa.Ta ti mokuthika mOshakati okwa li a ponokelwa koombotsotso nodhe mu yeke iinima niimaliwa ye li poR1 000,00 nokwa indile nee kOmusita kutya pamwe Egongalo otalivulu li mu kwathe okamaliwa.Omusita gwOngeleka ya Anglicana okwe mu taamba nombili megumbo lyawo.Otaku tiwa kutya nokuli Omumbiishofi ngoka okwa kala ta kwatele komeho omagalikano, ngashi unene ngoka gopokulya uulalelo sho wa thiki poshitaafula ongulohi ndjoka.Omumbiishofi okwa ti oha hungu wo aantu omwenyo nomagalikano.Ta ti aantu otaya vulu okuya kondunda ye e ke ya galikanene.Meme gumwe okwa yi ko, nOmumbiishofi okwa kala te mu kwataakwata paihulo.Sho a manwa okugalikanenwa nokuningwa ngawo, meme ngoka okwa zi ko nonkumwe onene.Ashike ina hokolola sha manga kwali.Ongula onene yOsoondaha, Omumbiishofi okwa penduka, ta pendula meme gumwe, haya lala mondunda ya egama ndjoka a pewa.Te mu pula e mu egululile po pomweelo oshoka okwa hala a katalaleke.Ta lombwele meme ngoka kutya ina za po pomweelo mpoka, ne mu tegelele a ze po pondje.Omumbiishofi sho a zi pondje, okwa ti meme na pate po pomweelo.Konima okwa kwata meme ngoka komaako noku mu hilila mondunda ye (yOmumbiishofi).Ta ti ote ke mu galikanena.Mondunda sho ya yi mo, Omumbiishofi okwa takemeke okuundulila meme kekuma nokutameka te mu pampadhala shaampoka, unene tuu komagundji.Meme ngoka okwa undulile Mbiishofi pevi nokuza mo mondunda ta endelele, oshoka omagalikano otaga shituka shimwe shi ili.Meme ngoka okwa shuna mondunda yawo nokuhokololela yakwawo.Ongula yOsoondaha ndjoka ye ti 5 Aguste, Omumbiishofi okwa yi pamwe nOmusita negumbo lye kElongelokalunga.Omumbiishofi, ngoka a li a zala oonguwo dhe dhUumbiishofi, okwa ka pewa ompito a popithe Egongalo.Aniwa okwa kala ashike ti ipopi ye mwene, hoka a za, oonkatu dhe dhElongo nosho tuu.Egongalo, esiku ndyoka, olya li lya talelwa po kOmusita omugundjuka gwOngeleka ndjoka ya Anglican, nokwa li a umbilwa ongalo.Molwashoka Egongalo olya tseyithilwa wo kutya Omumbishofi omutalelipo okwa yugwa iimaliwa ye, okwa tokolwa kutya ongalo ndjoka ya umbilwa Omusita omugundjuka, nayi yiwe pokati, lyo etata tali pewa po Omumbiishofi.Egongalo olya li lya umba ongalo yoN$730, na Mbiishofi okwa pewa mo N$365, lyo etata ekwawo tali pewa po nee Omusita.Sho omambo ga zi mo, Omumbiishofi okwa yi megumbo lyOmusita moka, omanga Omusita nomukulukadhi gwe yi ipyakidhila nokukunda aakwanegongalo pOngeleka.Mbiishofi sho a yi megumbo okwa adha mo omukadhona gumwe a lala mondunda yawo ke uvite nawa.Omumbiishofi okwa yi mo mondunda ye nokwatameke te mu galikanene noku mu kwataakwata komagundji nosho tuu.Omukadhona okwa penduka nokutameka ta popi muule sho Omumbiishofi a li te mu longele.Tayi taka lombwela Omusita nomukulukadhi.Oomeme mbeyaka yaali, ngoka a ningilwe ongashikwawo ongulohi yOlyomakaya naangoka gwongula onene yOsoondaha, nayo oya tameke okupopya sho ya ningilwa kOmumbiishofi nehokololo olyi ihana ngaa nee.Komatango gOsoondaha ndjoka, oomeme mboka ya longelwa iihuna kOmumbiishofi ngoka, oya tokola ye ke mu lopote kOpolisi.Opolisi oye ya, oyemu pula kutya okwa za peni, okwa ti kutya ye Omumbiishofi gwOngeleka ya Methodiste, a za koSouth Afrika.Sho a pulwa a ulike oombapila dhe, Opasporta ye oya ulike kutya moNamibia okwe ya mo omvula ya zi ko.Metitano moka ta popi e ya mo Namibia, Opasporta ye itayi shi ulike.Ke na wo omaukwatya galwe ngoka taga ulike kutya Omumbiishofi shili.Opasporta ye otayi ulike kutya ye OmuCongo, ano omu DRC na itayi ulike omuSouth Afrika ngashi ta ti.Omumbiishofi nguka okwa kwatwa po nee kOpolisi niinima ye ayihe noku ningilwa iipotha iyali yokukwatakwata nayi aakiintu.Okwa holoka mOmpangu ya Mengestrata mOshakati mEtitatu.Ina pulwa a tye sha niipotha ye oyu undulilwa komeho keti 27 Septemba 2007.Ina pewa uuthemba wokwiifutila mo.Konstabela Matheus ota ti kutya otashi vulika omuntu nguka a ka tulilwe mo natango oshipotha shokukala moshilongo kee na uuthemba.Otashi vulika wo omukiintu ngwiya omutitatu, ano ngoka naye a pampadhalelwe ongulohi yOlyomakaya naye a ka tule mo oshipotha ngashi ya kwawo na otashi vulika wo Egongalo lya Anglicana mOshakati li mu tulile mo oshipotha shekengelelo lyoshimaliwa sho a ti okwa yakwa iimaliwa ye R1 000 koomotsotso, otashi vulika nani kashi shi shoshili.Omulumentu nguka otashi vulika wo lela ke shi Omumbiishofi.Opolisi oya ti otayi shi konakona.Matheus ta hokololele Oshifo shika kutya omulumentu nguka okwe yile pegumbo lyOmusita gwOngeleka ya Anglicana mOshakati moka meti 4 Aguste 2007.Ta ti ye Omumbiishofi gwOngeleki ya Methodist moSouth Afrika nokwe ya nee nolweendo lwOpambepo lwokutalela po Ooitaali moNamibia, nokwa thiki nee sigo omOshakati ngeyi.Pegumbo lyOmusita mpoka okwe ya po aniwa nOtekisa.Ta ti mokuthika mOshakati okwa li a ponokelwa koombotsotso nodhe mu yeke iinima niimaliwa ye li poR1 000,00 nokwa indile nee kOmusita kutya pamwe Egongalo otalivulu li mu kwathe okamaliwa.Omusita gwOngeleka ya Anglicana okwe mu taamba nombili megumbo lyawo.Otaku tiwa kutya nokuli Omumbiishofi ngoka okwa kala ta kwatele komeho omagalikano, ngashi unene ngoka gopokulya uulalelo sho wa thiki poshitaafula ongulohi ndjoka.Omumbiishofi okwa ti oha hungu wo aantu omwenyo nomagalikano.Ta ti aantu otaya vulu okuya kondunda ye e ke ya galikanene.Meme gumwe okwa yi ko, nOmumbiishofi okwa kala te mu kwataakwata paihulo.Sho a manwa okugalikanenwa nokuningwa ngawo, meme ngoka okwa zi ko nonkumwe onene.Ashike ina hokolola sha manga kwali.Ongula onene yOsoondaha, Omumbiishofi okwa penduka, ta pendula meme gumwe, haya lala mondunda ya egama ndjoka a pewa.Te mu pula e mu egululile po pomweelo oshoka okwa hala a katalaleke.Ta lombwele meme ngoka kutya ina za po pomweelo mpoka, ne mu tegelele a ze po pondje.Omumbiishofi sho a zi pondje, okwa ti meme na pate po pomweelo.Konima okwa kwata meme ngoka komaako noku mu hilila mondunda ye (yOmumbiishofi).Ta ti ote ke mu galikanena.Mondunda sho ya yi mo, Omumbiishofi okwa takemeke okuundulila meme kekuma nokutameka te mu pampadhala shaampoka, unene tuu komagundji.Meme ngoka okwa undulile Mbiishofi pevi nokuza mo mondunda ta endelele, oshoka omagalikano otaga shituka shimwe shi ili.Meme ngoka okwa shuna mondunda yawo nokuhokololela yakwawo.Ongula yOsoondaha ndjoka ye ti 5 Aguste, Omumbiishofi okwa yi pamwe nOmusita negumbo lye kElongelokalunga.Omumbiishofi, ngoka a li a zala oonguwo dhe dhUumbiishofi, okwa ka pewa ompito a popithe Egongalo.Aniwa okwa kala ashike ti ipopi ye mwene, hoka a za, oonkatu dhe dhElongo nosho tuu.Egongalo, esiku ndyoka, olya li lya talelwa po kOmusita omugundjuka gwOngeleka ndjoka ya Anglican, nokwa li a umbilwa ongalo.Molwashoka Egongalo olya tseyithilwa wo kutya Omumbishofi omutalelipo okwa yugwa iimaliwa ye, okwa tokolwa kutya ongalo ndjoka ya umbilwa Omusita omugundjuka, nayi yiwe pokati, lyo etata tali pewa po Omumbiishofi.Egongalo olya li lya umba ongalo yoN$730, na Mbiishofi okwa pewa mo N$365, lyo etata ekwawo tali pewa po nee Omusita.Sho omambo ga zi mo, Omumbiishofi okwa yi megumbo lyOmusita moka, omanga Omusita nomukulukadhi gwe yi ipyakidhila nokukunda aakwanegongalo pOngeleka.Mbiishofi sho a yi megumbo okwa adha mo omukadhona gumwe a lala mondunda yawo ke uvite nawa.Omumbiishofi okwa yi mo mondunda ye nokwatameke te mu galikanene noku mu kwataakwata komagundji nosho tuu.Omukadhona okwa penduka nokutameka ta popi muule sho Omumbiishofi a li te mu longele.Tayi taka lombwela Omusita nomukulukadhi.Oomeme mbeyaka yaali, ngoka a ningilwe ongashikwawo ongulohi yOlyomakaya naangoka gwongula onene yOsoondaha, nayo oya tameke okupopya sho ya ningilwa kOmumbiishofi nehokololo olyi ihana ngaa nee.Komatango gOsoondaha ndjoka, oomeme mboka ya longelwa iihuna kOmumbiishofi ngoka, oya tokola ye ke mu lopote kOpolisi.Opolisi oye ya, oyemu pula kutya okwa za peni, okwa ti kutya ye Omumbiishofi gwOngeleka ya Methodiste, a za koSouth Afrika.Sho a pulwa a ulike oombapila dhe, Opasporta ye oya ulike kutya moNamibia okwe ya mo omvula ya zi ko.Metitano moka ta popi e ya mo Namibia, Opasporta ye itayi shi ulike.Ke na wo omaukwatya galwe ngoka taga ulike kutya Omumbiishofi shili.Opasporta ye otayi ulike kutya ye OmuCongo, ano omu DRC na itayi ulike omuSouth Afrika ngashi ta ti.Omumbiishofi nguka okwa kwatwa po nee kOpolisi niinima ye ayihe noku ningilwa iipotha iyali yokukwatakwata nayi aakiintu.Okwa holoka mOmpangu ya Mengestrata mOshakati mEtitatu.Ina pulwa a tye sha niipotha ye oyu undulilwa komeho keti 27 Septemba 2007.Ina pewa uuthemba wokwiifutila mo.Konstabela Matheus ota ti kutya otashi vulika omuntu nguka a ka tulilwe mo natango oshipotha shokukala moshilongo kee na uuthemba.Otashi vulika wo omukiintu ngwiya omutitatu, ano ngoka naye a pampadhalelwe ongulohi yOlyomakaya naye a ka tule mo oshipotha ngashi ya kwawo na otashi vulika wo Egongalo lya Anglicana mOshakati li mu tulile mo oshipotha shekengelelo lyoshimaliwa sho a ti okwa yakwa iimaliwa ye R1 000 koomotsotso, otashi vulika nani kashi shi shoshili.Omulumentu nguka otashi vulika wo lela ke shi Omumbiishofi.Opolisi oya ti otayi shi konakona.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News