Omulumentu gumwe a mangwa sho a tsu omuholike gwe gwomulumentu omukwawo nombele mOshakati

O POLISI ya Shakati otayi konakona oshipotha sha kilikita shi na sha nomulumentu omugundjuka ngoka a tsu omuholike gwe gwomulumentu omukwawo noombele, sha ningilwa muyimwe yomOohotela dha simana mOshakati komatango gEtitatu.

Nakutsuwa otaku tiwa kutya omulumentu gwomutiligane gwoomvula 48 noku li ngashiingeyi ta pangwa mOshipangelo shOpaumwene sha Ngwediva omolu iilalo yoombele ndhoka a tsuwa komuholike gwe. Opolisi oya ti kutya omulumentu ngoka gwomutiligane, oku li gumwe gwomaalongi mohotela yimwe yomoohotela moOshakati, omanga nakumutsa e li Osekuliti, hayi longele nayo pOhotela mpoka.Ehokololo otali ti kutya omulumentu ngoka gwomutiligane aniwa oye a yi komumati ngoka gwOsekuliti (omuluudhe), noku mu pula a kale he mu ende konima (ha hala naye).Te mu uvanekele aniwa kutya ngele okwa kala te mu ende konima ngawo, iikando yontumba, ote mu pe Oondola/N$30 000.Iikando mbyoka oya li nee yi na okupwa ko mEtitatu lya zi ko, na Sekuliti ngoka okwa li nee tango e na okuninga shoka haya ningi shito nokonima ta pewa nee nawa oshimaliwa she shoka.Metitatu, aniwa Sekuliti okwe ya ngaa kiilonga ngashi shito.Ha tameke pohamano yongula nokukala miilonga sigo opohamano yokomatango.Konima yohamano mEtitatu moka, okwa yi kegumbo.Ta kutha mo iikutu ye yiilonga.Ta galukile kOhotela e li miikutu yopaumwene.Ta yi ku mukwawo noya yi aniwa muyimwe yomoondunda dhOokastoma nokuninga ngashi shito.Sho ya mana, Sekuliti okwa pula oshimaliwa she ngashi ya li ya uvathana.Omuhona, okwa kala a fa ina hala nawa, ta ongaonga.Sekuliti, okwa kutha ombele nokutameka ta tsu mukwawo ngoka noku mu ehameka nayi.Ombele oya fa kaya li yi na oonkondo nawa noya teka pethimbo lyoku mu tsa ngaaka.Nakutsuwa, ombele sho ya teka, okwa mono ompito yokuza mo mondjugo moka, nokwa zi mo, a uka mOokastoma ndhoka dha adhika dhi li lwopehalandjandja lyOhotela tadhi li dho dhimwe tadhi kundathana.Nakutsuwa, manga ta fadhuka po nagwo, okwa yi oshidhungwe nokwiihata po.Okwa li ta zi ombinzi nayi.Pethimbo ndyoka Sekuliti ngoka okwa adhika a hala okufadhuka po, ashike okwa kelelwa kOosekuliti oonkwawo ndhoka dha adhika dhi li miilonga pethimbo ndjoka.Sho a pulwa kOosekuliti kutya ota fadhukile po shike, okwe ya lombwele kutya okwa tsa shilumbu gwawo, molwashoka okwa kala he mu thiminike e m u ende konima, ye e mu pe N$30 000.Ndhoka a li e na oku mu pa esiku ndyoka, e ta tindi.Kepulo, Oosekuliti oonkwawo ndhika, odha koleke oshiningwanima shika koThe Namibian ohela.Otaku tiwa kutya okwa ithanwa Opolisi ndjoka ye ya okukonakona noya kwata po Sekuliti ngoka, ye shilumbu ta falwa koshipangelo shOpaumwene sha Ngwediva.Kepulo, Omukuluntu gwOshipangelo shoka shOpaumwene sha Ngwediva Omundohotola Tshali Iithete, okwa lombwele The Namibian kutya mOshipangelo shawo, ongulohi yEtitatu, omwe ya shili omulumentu gwomutiligane a tsuwa noombele.Omundohotola Iithete ta ti ngashiingeyi omulumentu ngoka oku li po hwepo.Omupopiliko gwOpolisi mOshana Konstabela Christina Fonsech, okwa lombwela The Namibian kutya Opolisi oya kwata po omulumentu omugundjuka shi na sha nokutsa omulumentu omukwawo noombele komatango gEtitatu lya zi ko – sha ningilwa puyimwe dhomoohotela mOshakati.Fonsech, ohela, okwa popi kutya omulumentu ngoka ina holoka natango mOmpangu.Otashi vulika ta holoka mOmpangu ya Mengestrata ongula yonena.Opolisi oya ti kutya omulumentu ngoka gwomutiligane, oku li gumwe gwomaalongi mohotela yimwe yomoohotela moOshakati, omanga nakumutsa e li Osekuliti, hayi longele nayo pOhotela mpoka.Ehokololo otali ti kutya omulumentu ngoka gwomutiligane aniwa oye a yi komumati ngoka gwOsekuliti (omuluudhe), noku mu pula a kale he mu ende konima (ha hala naye).Te mu uvanekele aniwa kutya ngele okwa kala te mu ende konima ngawo, iikando yontumba, ote mu pe Oondola/N$30 000.Iikando mbyoka oya li nee yi na okupwa ko mEtitatu lya zi ko, na Sekuliti ngoka okwa li nee tango e na okuninga shoka haya ningi shito nokonima ta pewa nee nawa oshimaliwa she shoka.Metitatu, aniwa Sekuliti okwe ya ngaa kiilonga ngashi shito.Ha tameke pohamano yongula nokukala miilonga sigo opohamano yokomatango.Konima yohamano mEtitatu moka, okwa yi kegumbo.Ta kutha mo iikutu ye yiilonga.Ta galukile kOhotela e li miikutu yopaumwene.Ta yi ku mukwawo noya yi aniwa muyimwe yomoondunda dhOokastoma nokuninga ngashi shito.Sho ya mana, Sekuliti okwa pula oshimaliwa she ngashi ya li ya uvathana.Omuhona, okwa kala a fa ina hala nawa, ta ongaonga.Sekuliti, okwa kutha ombele nokutameka ta tsu mukwawo ngoka noku mu ehameka nayi.Ombele oya fa kaya li yi na oonkondo nawa noya teka pethimbo lyoku mu tsa ngaaka.Nakutsuwa, ombele sho ya teka, okwa mono ompito yokuza mo mondjugo moka, nokwa zi mo, a uka mOokastoma ndhoka dha adhika dhi li lwopehalandjandja lyOhotela tadhi li dho dhimwe tadhi kundathana.Nakutsuwa, manga ta fadhuka po nagwo, okwa yi oshidhungwe nokwiihata po.Okwa li ta zi ombinzi nayi.Pethimbo ndyoka Sekuliti ngoka okwa adhika a hala okufadhuka po, ashike okwa kelelwa kOosekuliti oonkwawo ndhoka dha adhika dhi li miilonga pethimbo ndjoka.Sho a pulwa kOosekuliti kutya ota fadhukile po shike, okwe ya lombwele kutya okwa tsa shilumbu gwawo, molwashoka okwa kala he mu thiminike e m u ende konima, ye e mu pe N$30 000.Ndhoka a li e na oku mu pa esiku ndyoka, e ta tindi.Kepulo, Oosekuliti oonkwawo ndhika, odha koleke oshiningwanima shika koThe Namibian ohela.Otaku tiwa kutya okwa ithanwa Opolisi ndjoka ye ya okukonakona noya kwata po Sekuliti ngoka, ye shilumbu ta falwa koshipangelo shOpaumwene sha Ngwediva.Kepulo, Omukuluntu gwOshipangelo shoka shOpaumwene sha Ngwediva Omundohotola Tshali Iithete, okwa lombwele The Namibian kutya mOshipangelo shawo, ongulohi yEtitatu, omwe ya shili omulumentu gwomutiligane a tsuwa noombele.Omundohotola Iithete ta ti ngashiingeyi omulumentu ngoka oku li po hwepo.Omupopiliko gwOpolisi mOshana Konstabela Christina Fonsech, okwa lombwela The Namibian kutya Opolisi oya kwata po omulumentu omugundjuka shi na sha nokutsa omulumentu omukwawo noombele komatango gEtitatu lya zi ko – sha ningilwa puyimwe dhomoohotela mOshakati.Fonsech, ohela, okwa popi kutya omulumentu ngoka ina holoka natango mOmpangu.Otashi vulika ta holoka mOmpangu ya Mengestrata ongula yonena.