Ui-Basen Nowaseb (21) okwa li a dipawa koSwakopmund kolukanda laDRC mOlomakaya.
Vati okwa li e li mondjila yaye a yuka keumbo ta di konhele yomanwino pamwe nookaume kaye vavali.
Otaku tiwa Nowaseb okwa li ta ende e li komesho yookaume kaye eshi kwa li a ponokelwa komulumenhu ehe shiivike.
Vati omufeekelwa naNowaseb ova lwa okafimbo omanga omufeekelwa ina faduka po.
Nowaseb vati okwa ingida kutya okwa tuwa, ta kanifa eenghono ndee te lidenge po.
Omupopiliko wopolifi koshitopolwahoololo shErongo komufa inspekta Ileni Shapumba okwa ti okwa li kwa monika kutya okwa xulifa ponhele opo pa ningilwa oshiningwanima kovanailonga vokoshipangelo shepangelo shaSwakopmund.
“Omufeekelwa okwa li muxupi, mulaula, ta popi Oshiwambo, okwa li e na okaradio keengalo nokwa li a djala okambidja kashunga, embale nokakotywe. . . Oshinima sha honga sha fa ombele okwa li sha hangika ponhele opo oshiningwanima sha ningilwa,” Osho a ti ngaho.
Omufeekelwa ina monika natango.
Opolifi otai indile kukeshe omunhu e na ouyelele kombinga yoshiningwanima eshi opo a dengele omupedu komufala Erastus Iikuyu konomola 081 246 4757, omukonakoni woibofa Cletius Kabuku konomola 081 391 0671, ile a lopote kopolifi i li popepi.
Omakonakono opolifi otaa twikile.
Sha tolokwa ku Ronie P Mukongo
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
