OMULONGISIKOLA gumwe gwomulumentu, taku popiwa kutya okwa kwatwa koonkondo nokugandja epunda kokakadhona ke na oomvula inadhi adha pOsekundosikola ya Leevi Hakusembe yi li popepi na Rundu, okwa li e ye kiilonga mOomaandaha goshiwike shika nonande oku li a tegelela okutulwa pokati kombinga yoshinima shika nosho wo a ningilwa oshipotha mu shika.
Oshikondo shi na sha nomahepeko taga ningilwa aanona naakiintu shOpolisi, osha li sha ningile Andreas Mundumbu oshipotha mu Oktoba 2010 konima sho aniwa a gandja epunda komulongwa.Mundumbu okwa kala aniwa hayi nokakadhona ke li mOgrade 8 okuza mu Febululi gwomumvo gwa zi ko na oku li omulongisikola omutitano moshitopolwa sha Kavango ta ningilwa oshipotha nokukala nekwathano lyopaipalo nomulongwa.Omukuluntusikola gwOsekundosikola ndjika Alexander Kundumo okwe shi koleke koshitumikundaneki sha Nampa kutya Mundumbu okwa li e ya kiilonga ongula yOmaandaha, konima sho a li a lombwelwa kOmbelewa yElongo yomoshitopolwa a ninge ngaaka.Mundumbu ina ningilwa natango omapalupulwo kombinga yoshinima shika. Oonkambadhala okumona Omuwiliki gwElongo moshitopolwa shika, Alfons Dikuwa, odha hulile muunyengwi molwashoka oku li natango.Mundumbu, ngoka a lopotelwa iipotha yokulala nokakadhona ke na oomvula inadhi adha – ano ke li kohi yoomvula 15 paveta yi na sha nokukondjitha omaihumbato kage li nawa,okwa tegelelwa a ka holoke mOmpangu oshikando oshitiyali mesiku lyotango lomwedhi tu uka. Ngashiingeyi oku li pondje kombooloha yOondola omayuvi gaali. Okakadhona haka hoka ka gwanitha oomvula 16 mu Juli omumvo gwa zi ko, ngashiingeyi oke na etegelelo lyoomwedhi hamano nokeli mOgrade 9.Ootundi ota ke ke dhi thiga po ashike manga ku na iiwike ine k ka mone okanona, molwashoka omulandi omupe gwelongo osho tagu ti ngaaka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
