MEYA momulonga gwa Kwando po Caprivi ngoka omasiku ga zi ko kwa li taku popiwa kutya oga londa na otashi vulika ga ka nuke mo nokutula omikunda dhimwe momeya, ngashiingeyi oga shuna pevi.
Shika osha popiwa kOmutseyinawa miikwameya mUuministeli wUunamapya, Omeya nOmakutu, omusamane Guio van Langenhove, mEtiyali lyoshiwike shika. Van Langenhove okwa ti mEtiyali, omeya molulonga nguka oga li poometa 3.96, okuza poometa 4.04 mpoka ga li petameko lyomwedhi nguka.Okwa ti omapopyo kutya moshitopolwa sha Caprivi otamu lokwa omvula onene, oga gwedhelwa molwashoka aniwa iitaashi yokumeta omeya/ omvula po Katima Mulilo na Kongola, inayi lopota omvula uule wethimbo lya konda poshiwike.Oshiwike shika Gavena gwoshitopolwa sha Caprivi, Leonard Mwilima, okwa li a popi kutya Ombelewa ye oya tuma ootenda komikunda dhoka dhi li pooha nomulonga nguka, mu ka tulwe aantu uuna ngele omulonga nguka ogwe ya tula momeya.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
