Omukwashigwana gwaAngola a tamanekelwa iingangamithi

OMUKWASHIGWANA gwAngola gumwe okwa holoka mompangu ya mengestrata moVenduka ta tamanekelwa okukala ena iingangamithi yokokaina.

Joao Ndongala okwa kwatelwa pokapale koondhila kopaigwana ka Hosea Kutako. Omufekelwa nguka okwa gwedha ko komwaalu gwaa kwashigwana yomoshi, shiindalongo shetu kuumbangalantu, ta ya kwatwa sho ya humbata iingangamithi mbika mookofa dhawo nomathimbo ogendji ye yi nina.Omufekelwa nguka okwa holoka komeho ga mengestrata, Ingrid Soabes momaandaha gaziko.Ndongala okwa kwatelwe mo 21 ga January 2010, konima sho athiki pokapale ka Hosea Kutako oku za ko Johannesburg.Ota ku tiwa nakufekelwa nguka okwa tameke olweendo lwe mo Sao Paulo mo Brazil, oshilando moka aAngola oyendji ya kala haya zi uuna ya kwatwa, yena iingangamithi okupitila moNamibia uule womimvo dha piti.Ndongala okwa kwatwa sho okokaine molupe lwooholo ya adhikwa mookofa dhe. Iingangamithi mbika oya li ya tonyenwa mooplastika, niikwawo oya ka dhimbululwa yili mepunda lye sho a tulwa keshina lyokuminikila.Ota ku tiwa okwa li a humbata oshingangamithi shika shondjundo yo 1,5 kilograma.Iingangamithi mbika oya li yina ongushu yoodola 750 000 ngele andola okwa li ya landithwapo.Oshipotha sha Ndongala osha undulilwa komeho sigo 26 ga February 2010, omolwa omakonakono gopolisi.Ndongala ngoka a li a kalelwa po komutseyimpango nomupopiliko gwopampango, Christian Nambahu oku li natango mondholongo.Ota tamanekelwa okukala nokokaina nenge nokulanditha okokaina.Oku za mu Apilili omumvo gwayi, Aangola oyendji oya li ya kwatwa noshingangamithi shika konima yoku ya kwawo pokapale koondhila ka Hosea Kutako noshowo pokapale kopaigwana kaWalvisbay, olundji oya ziilile ko South Africa.Ayehe mboka ya kwatwa sigo oompaka oya li taya ziilile ko Brazil ya pitile moSoutha Africa omanga ina ye ya, moNamibia.Aangola yane oya li ya kwatwa niingangamithi mbika muuwindji wa yooloka okuza poograma 455 sigo opokilograma yimwe oshinkwanu ndatu ndatu.Mbaka oya li ya humbata mbika momapunda gawo.Ayehe mbaka oya li ya holoka mompangu moka ya zimine ondjo yawo no ya pewa egeelo lyoomvula hetatu mondholongo.OmwAngola gumwe ngoka woo a li a kwatwa nokokaine okwa li a pewa oomvula heyali mondholongo sho naye woo a zimine ondjo ye, mokulanditha okokaine.