Omukunda gwa Acacia gwa yi momeya ishewe

OMVULA yepoola ndjoka ya loko komatango getitatu oshiwike shayi oya eta ishewe mpoka kutya omukunda gwaAcacia moshitopolwa sha Doradopark moVenduka shi yelulwe.

Omikanka dhomeya gomvula ndhoka dhatulwa mpoka opo pu pitile omeya ngele omvula ta yi loko odha ulike kutya ndhika omishona okuyeleka nomeya ngoka haga ende nenge gena okutondoka moka. Shika oshi li ngaaka oshoka omvula ndjika sho yaloko omeya oga pitilile mo momikanka etaga yelula omapandaanda noshowo omagumbo gaakalimo yamwe pehala mpoka.Omulonga gwaArebusch ngoka ogo gwali gwa eta uupyakadhi monakuziwa hagwo gwa eta ekunguluko lyomeya pethimbo ndika.Uupyakadhi owa ndhindhilikwa mepandaanda lya Blackthorn mpoka omikanka dhomeya dha li dha thita naashika osha fala omeya ga tondokele mepandaanda. Omeya oga tondoka ga pitile momagumbo gaatatu nokonyala ga ye momagumbo momwene.Uupyakadhi ishewe uukwawo oomboka kutya ekuma epe ndyoka lya tungwa lyakundukidha omagumbo olyo lya keelele omeya ga tondoke nokukunguluka nawa ga uka momulonga gwa Arebusch.Ookadhimamulilo oya li ya ithanwa no ya tula ooshako komeho gomagumbo gatatu ngoka ga li taga hala okuyiwa komeya, naambaka oya uvaneke kutya otaya ka teya po ekuma ndyoka ngele osha pumbiwa.Elago enene oondyoka kutya omvula oya mwena nomeya oga shonopala.Pahapu dhomukalimo gumwe shika oshikando oshitiyali omvula ndjika omeya ta ga iitumbu ngaaka mepandaanda muka omolwaashoka omikanka odha thita nenge omishona.Omukalimo nguka okwa ti okwa shangela komuni gwa Venduka poompito odhindji ndele ina mona ko eyamukulo lyasha.Pethimbo olyo tuu ndyoka omvula sho ya loko metitatu oontala metungo lyOld Mutual odha yiwa komeya nodha gumo dhu uka pevi nokutilahi omeya ngoka ga li pokati kadho niipeleki yetungo ndyoka.Ndhika odha gumo oshoka odha li dha tutikwa nayi komvula sigo dha tekauka.