Omukuluntusikola gwOsikola yaMumbwenge a kuthwa miilonga pakathimbo

O MUKULUNTUSIKOLA gwOsikola yaanona ya Mumbwenge popepi nOshigambo mOndonga, ndjoka ya kala ethimbo ele tayi hepekwa koombepo dhanyata, meme Helena Makili okwa kuthwa miilonga pakathimbo.

Shika osha ningwa kOmuwiliki gwElongo mOshitopolwa sha Hangwena, tate Josia Udjombala, mOmaandaha geti 6 Fabruali 2006. Udjombala okwa lombwela The Namibian kutya omukuluntusikola okwa kuthwa manga miilonga omolu omakonakono ngoka taga ningwa mpoka ge na sha nonkalo ya naipala yopOsikola ye.Osikola ndjoka okuza mu Juli omvula ya zi ko oya kala yi li kohi yomahepeko omanene goombepo dha nyata.Tadhi piyaganeke aanona.Ano hadhi yi maanona e taya kambuka.Taya yeyagana nokuhala okumatuka po, ya fa ya pwidhuka.Sho nee taya penduka po mpoka, iihuna.Haya kala taya pula muyakwawo moka nomaalongisikola.Sho onkalo ndjoka ya tameke posikola mpoka, meme Makili okwe yi lopota kElelosikola, kOpolisi yoposhitopolwa nosho wo kOmbelewa onene yElongo.Aasita yOmagongalo gamwe sho ye shi kundana, oye ya okugalikanena Osikola ndjoka, unene tuu aanona nomudhingoloko.Onkembadhala oya li wo ya ningwa kOsikola nokwiithana oonganga, ndhoka wo nadho dha longo po ombinga yadho.Ashike oombepo dha nyata odha kala tadhi tsikile notadhi tsikile sigo okonena ndjika.Momasiku sho gali 19 Januali 2006, Udjombala nOmupeha gwe meme Martha Shikalakuti-Immanuel nOmutalelisikola gwoshikandjosikola sha Ndobe tate Likius Nakamwe, oya li ya talele po osikola ndjoka ya Mumbwenge nokuninga oonkundathana nElelosikola ndjoka.Oya li ya lombwelwa nawa onkalo yaampoka.Omunashipundi gwElelosikola tate Jason Awene okwa lombwele Aawiliki yElongo mbaka kutya onkalo posikola yawo ndjoka oye ya ponkatu ombwinayi noshigongi shaavali shoka ya li nasho omasiku ngaka ga zi ko, osha li sha eta po edhilaadhilo tali ti kutya shapo yi pate po manga, naanona ya topolelwe oosikola dhilwe mOshitopolwa.Makili ta lombwele Udjombala nongundu ye kutya aanona yamwe mboka haya kambuka, sho taya zi moomposi moka, ohaya ulike po aanona yamwe nosho wo omulongisikola gumwe naavali momukunda kutya oyo haye ya piyaganeke noombepo dha nyata.Ta ti aanona yamwe oya dhengelwe nayi kaanona mboka.Omanga gumwe womukadhona, kwa kundanwa a tulwa omavi puukiintu kuyamwe yomaanona mboka.Mokuuva kutya posikola opwe yile oonganga, Udjombala nomupeha gwe, oya gandja uusama koshinima shoka shokweeta oonganga posikola.Udjombala ta ti kutya kashi li nawa.Ta gandja uusama uunene kOmukuluntusikola sho a etha pOsikola ye pu ye oonganga.Ta ningi epulo kutya odha futwa kulye? Okwa pe wo omukuluntusikola nguka ombedhi sho ha etha aanona taya dhengwa nokutulwa omavi kuyakwawo ye ite ya geele.”Ondi wete kutya oto ethele omeya mondunda nowa kanitha okondolola yosikola yoye,” Udjombala ta lombwele Makili ngaaka nokugwedha ko kutya ota kumagidha Oosikola dhe adhihe dhi ikaleke kokule niinima yuunganga nuulodhi oshoka otayi vulu okweeta evundakano poosikola.Ta gandja wo omayele kutya Oosikola onadhi kale ngaa tadhi tala Oongeleka ndhoka tadhi longo shili omoluuwanawa waantu, unene tuu waanona, na hakweetha kehe Ongeleka naandhoka dha hala ashike okwiishiwitha pamikalo dhi ili nodhi, dhi vundakanithe pOosikola dhawo.Esiku ndjoka Udjombala okwa tile kutya onkalo yoposikola mpoka ote yi pe ashike uule wiiwike itatu nangele itayi opala, nena osikola ndjoka ote yi pata, wo uunona tau yi koosikola dhilwe.Ngashiingeyi pOsikola mpoka opwa vundakana.Aanasikola, aalongi, naavali momukunda oyi nena.Aavali yamwe mboka taku tiwa kutya oyo ye na oombepo dha nyata, oye yile kOshifo shika kOshakati, ya geya, taya ti kutya otaya lundilwa kOmukuluntusikola noya hala e ya pe ombili.Omolu omausama nee ngoka ga monika momukuluntusikola, ano mu meme Helena Makili, kewiliko lyElongo, Udjombala okwa tokola e mu kuthe mo manga miilonga, manga taku ningwa omakonaakono ngoka taga eta evundakana pOsikola mpoka nomomudhingoloko.Kepulo, Omukelelipehala lyUukuluntusikola pOsikola ya Mumbwenge meme Magnaem Shiimi, okwa lombwele The Namibian ohela kutya oombepo dha nyata onkee tadhi tsikilile nokuhepeka uunona pOsikola mpoka ngashi shito.”Omaandaha ga zi ko, osha li ngaa hwepo, ashike nee mEtiyali, osha li ishewe sha lula mokati kaanona moka,” Shiimi ta popi.Makili okwa kuthwa miilonga pwaana ofuto, ihe ota vulu okuninga eindilo pamushangwa ngele okwa hala okukala ha futwa.Udjombala okwa lombwela The Namibian kutya omukuluntusikola okwa kuthwa manga miilonga omolu omakonakono ngoka taga ningwa mpoka ge na sha nonkalo ya naipala yopOsikola ye.Osikola ndjoka okuza mu Juli omvula ya zi ko oya kala yi li kohi yomahepeko omanene goombepo dha nyata.Tadhi piyaganeke aanona.Ano hadhi yi maanona e taya kambuka.Taya yeyagana nokuhala okumatuka po, ya fa ya pwidhuka.Sho nee taya penduka po mpoka, iihuna.Haya kala taya pula muyakwawo moka nomaalongisikola.Sho onkalo ndjoka ya tameke posikola mpoka, meme Makili okwe yi lopota kElelosikola, kOpolisi yoposhitopolwa nosho wo kOmbelewa onene yElongo.Aasita yOmagongalo gamwe sho ye shi kundana, oye ya okugalikanena Osikola ndjoka, unene tuu aanona nomudhingoloko.Onkembadhala oya li wo ya ningwa kOsikola nokwiithana oonganga, ndhoka wo nadho dha longo po ombinga yadho.Ashike oombepo dha nyata odha kala tadhi tsikile notadhi tsikile sigo okonena ndjika.Momasiku sho gali 19 Januali 2006, Udjombala nOmupeha gwe meme Martha Shikalakuti-Immanuel nOmutalelisikola gwoshikandjosikola sha Ndobe tate Likius Nakamwe, oya li ya talele po osikola ndjoka ya Mumbwenge nokuninga oonkundathana nElelosikola ndjoka.Oya li ya lombwelwa nawa onkalo yaampoka.Omunashipundi gwElelosikola tate Jason Awene okwa lombwele Aawiliki yElongo mbaka kutya onkalo posikola yawo ndjoka oye ya ponkatu ombwinayi noshigongi shaavali shoka ya li nasho omasiku ngaka ga zi ko, osha li sha eta po edhilaadhilo tali ti kutya shapo yi pate po manga, naanona ya topolelwe oosikola dhilwe mOshitopolwa.Makili ta lombwele Udjombala nongundu ye kutya aanona yamwe mboka haya kambuka, sho taya zi moomposi moka, ohaya ulike po aanona yamwe nosho wo omulongisikola gumwe naavali momukunda kutya oyo haye ya piyaganeke noombepo dha nyata.Ta ti aanona yamwe oya dhengelwe nayi kaanona mboka.Omanga gumwe womukadhona, kwa kundanwa a tulwa omavi puukiintu kuyamwe yomaanona mboka.Mokuuva kutya posikola opwe yile oonganga, Udjombala nomupeha gwe, oya gandja uusama koshinima shoka shokweeta oonganga posikola.Udjombala ta ti kutya kashi li nawa.Ta gandja uusama uunene kOmukuluntusikola sho a etha pOsikola ye pu ye oonganga.Ta ningi epulo kutya odha futwa kulye? Okwa pe wo omukuluntusikola nguka ombedhi sho ha etha aanona taya dhengwa nokutulwa omavi kuyakwawo ye ite ya geele.”Ondi wete kutya oto ethele omeya mondunda nowa kanitha okondolola yosikola yoye,” Udjombala ta lombwele Makili ngaaka nokugwedha ko kutya ota kumagidha Oosikola dhe adhihe dhi ikaleke kokule niinima yuunganga nuulodhi oshoka otayi vulu okweeta evundakano poosikola.Ta gandja wo omayele kutya Oosikola onadhi kale ngaa tadhi tala Oongeleka ndhoka tadhi longo shili omoluuwanawa waantu, unene tuu waanona, na hakweetha kehe Ongeleka naandhoka dha hala ashike okwiishiwitha pamikalo dhi ili nodhi, dhi vundakanithe pOosikola dhawo. Esiku ndjoka Udjombala okwa tile kutya onkalo yoposikola mpoka ote yi pe ashike uule wiiwike itatu nangele itayi opala, nena osikola ndjoka ote yi pata, wo uunona tau yi koosikola dhilwe.Ngashiingeyi pOsikola mpoka opwa vundakana.Aanasikola, aalongi, naavali momukunda oyi nena.Aavali yamwe mboka taku tiwa kutya oyo ye na oombepo dha nyata, oye yile kOshifo shika kOshakati, ya geya, taya ti kutya otaya lundilwa kOmukuluntusikola noya hala e ya pe ombili.Omolu omausama nee ngoka ga monika momukuluntusikola, ano mu meme Helena Makili, kewiliko lyElongo, Udjombala okwa tokola e mu kuthe mo manga miilonga, manga taku ningwa omakonaakono ngoka taga eta evundakana pOsikola mpoka nomomudhingoloko.Kepulo, Omukelelipehala lyUukuluntusikola pOsikola ya Mumbwenge meme Magnaem Shiimi, okwa lombwele The Namibian ohela kutya oombepo dha nyata onkee tadhi tsikilile nokuhepeka uunona pOsikola mpoka ngashi shito.”Omaandaha ga zi ko, osha li ngaa hwepo, ashike nee mEtiyali, osha li ishewe sha lula mokati kaanona moka,” Shiimi ta popi.Makili okwa kuthwa miilonga pwaana ofuto, ihe ota vulu okuninga eindilo pamushangwa ngele okwa hala okukala ha futwa.