Omukuluntu gwOmahogololo Kanime a tulwa pevi

O MUKULUNTUWILIKI gwOkomisi yOmahogololo ya Namibia nenge Electoral Commission of Namibia (ECN) Philemon Kanime okwa kuthwa miilonga pakathimbo.

Oonzo dhomauyelele dhi shi okwiinekelwa odha yakele ko Oshifo shika kutya shika osha etwa keundulile komeho Omahogololo ngoka ga li ge na okuningwa mondoolopa ya Muthiya pehulilo lyomwedhi gwa zi ko. Kanime, Omupevi gwe Ananias Elago, Omunambelewakondololi Hesekiel Shigwedha nOmunambelewa omukuluntu Nicodemus Mingelus, oya tulwa pevi mEtitano.Omunashipundi gwOlaata yOkomisi yOmahohololo Victor Tonchi, okwa tseyitha kutya Amushanga gwOmutumba gwOpashigwana Moses Ndjarakana, oye ta ka kelela pehala lya Kanime.Iilyo yOlaata yOkomisi yomahogololo oya li ya gongala ongula yEtitano okukundathana kutya Kanime oku na okuningwa ngiini, ihe uusiku wEtine opwa li nale omapopyo kutya Kanime ota ka tidhililwa.Onzo yimwe yomauyelele oya lombwele The Namibian kutya Kanime okwa tulwa pevi omolu omapuko ngoka ga ningwa po kombinga yomahogololo ngoka ga li ge na kuningwa pOmuthiya.”Oya li taya kongo omatompelo nkene ye na oku mu tidha, pamukalo omwaanawa.Ashihe osha tameke sho a ndopa okulombwela Opaati (Swapo) kombinga yeindilo lyongundu yo RDP kutya otayi ka kutha ombinga momahogololo,” onzo tayi popi ngaaka.Ewawa lyAagundjuka moSwapo olya li lya popi kutya Kanime okwa longitha omukalo gwa nika uulingilingi mokushangitha ongundu yo Rally for Democracy and Progress (RDP), molwashoka okwe shi ningi aniwa ina lombwele Omupresidende Hifikepunye Pohamba.Oya li wo ya popi kutya Kanime oku na ohenda no RDP na oya hala thige po oshipundi shika.”Omolwashike ndi na okumbendanga? Onda ninga shike? Oya li shila ya hala ndi tinde eindilo lyopaati.Ihe ngame hangame nde li zimine,” Kanime osho a li a yamukulo komapopyo gaagundjuka yo Swapo.Ihe shika hapo sha hulile mpaka.Swapo okwa li wo a nyenyeta kombinga yomadhina gamwe ga li molista yomadhina ga konda po 700 giilyo yo RDP, ngoka ongundu ndjika ya gandja kOkomisi yOmahogololo (okuulika kutya oye na iilyo ya gwana okwiishangitha ong’ongundu yopapolitika).Nonande omadhina ngaka oga li ga gandjwa kOkomisi yOmahogololo, ombapila ndjika oya li ya ningwa ookopi pomahala ga yooloka – mwa kwatelwa wo Oombelewa dhUuministeli wUuyuuki nopoNBC.Okwa li kwa ningwa omakonakono kutya oshe ende ngiini omadhina ngaka ga ye miikaha yo Swapo, ihe Okomisi yOmahogololo oya tsikile nokulongekidha omahogololo ga Muthiya, ngoka ga li ge na okuningwa momasiku 29 ga Febuluali.Ombapila yomadhina gaahogololo pOmutgiya oya li ya egulikila okukonakonwa koongundu dhopapolitika mOmpangu ya Mengestrata pOndangwa okuza momasiku 12 ga Febuluali, ihe manga asghike ku na omasiku gatatu omahogololo ga ningwa, Swapo okwa li e li ta pataneke omadhina 12 (ta ti kutya aantu mbaka kaye shi aakalimo yomOmuthiya na omadhina gawo oga yakelwa mo).Paveta, Mengestrata oku na okupewa omasiku 15 a pulakene ku mboka omadhina gawo taga patanekwa.Ngele nee Mengestrata a ningi etokolo kutya aantu mbaka oye li shili aakalimo yomOmuthiya nenge aawe, Okomisi yOmahogololo opo ashike tayi vulu okuya komeho nomahogololo.Inaku monika natango uuyelele kutya omolwashike aaniilonga mbeyaka yatatu nayo ya tulwa wo pevi.Nande ongaaka, oonzo dhomauyelele odha popi kutya Kanime haye awike a talwa omeho moshinima shika – ihe oshinima osha talelwa mendopo lyomahogololo ngaka, moka ayehe ya li aanani yago.Kanime okwa li a popi mEtitano aantu yamwe mOkomisi yOmahogololo oye na mo sha mekutho lye miilonga pakathimbo.Okwa uvaneke kutya ota ka taamba ko omakonakono kehe taga ka ningwa po.Kanime, Omupevi gwe Ananias Elago, Omunambelewakondololi Hesekiel Shigwedha nOmunambelewa omukuluntu Nicodemus Mingelus, oya tulwa pevi mEtitano.Omunashipundi gwOlaata yOkomisi yOmahohololo Victor Tonchi, okwa tseyitha kutya Amushanga gwOmutumba gwOpashigwana Moses Ndjarakana, oye ta ka kelela pehala lya Kanime.Iilyo yOlaata yOkomisi yomahogololo oya li ya gongala ongula yEtitano okukundathana kutya Kanime oku na okuningwa ngiini, ihe uusiku wEtine opwa li nale omapopyo kutya Kanime ota ka tidhililwa.Onzo yimwe yomauyelele oya lombwele The Namibian kutya Kanime okwa tulwa pevi omolu omapuko ngoka ga ningwa po kombinga yomahogololo ngoka ga li ge na kuningwa pOmuthiya.”Oya li taya kongo omatompelo nkene ye na oku mu tidha, pamukalo omwaanawa.Ashihe osha tameke sho a ndopa okulombwela Opaati (Swapo) kombinga yeindilo lyongundu yo RDP kutya otayi ka kutha ombinga momahogololo,” onzo tayi popi ngaaka.Ewawa lyAagundjuka moSwapo olya li lya popi kutya Kanime okwa longitha omukalo gwa nika uulingilingi mokushangitha ongundu yo Rally for Democracy and Progress (RDP), molwashoka okwe shi ningi aniwa ina lombwele Omupresidende Hifikepunye Pohamba.Oya li wo ya popi kutya Kanime oku na ohenda no RDP na oya hala thige po oshipundi shika.”Omolwashike ndi na okumbendanga? Onda ninga shike? Oya li shila ya hala ndi tinde eindilo lyopaati.Ihe ngame hangame nde li zimine,” Kanime osho a li a yamukulo komapopyo gaagundjuka yo Swapo.Ihe shika hapo sha hulile mpaka.Swapo okwa li wo a nyenyeta kombinga yomadhina gamwe ga li molista yomadhina ga konda po 700 giilyo yo RDP, ngoka ongundu ndjika ya gandja kOkomisi yOmahogololo (okuulika kutya oye na iilyo ya gwana okwiishangitha ong’ongundu yopapolitika).Nonande omadhina ngaka oga li ga gandjwa kOkomisi yOmahogololo, ombapila ndjika oya li ya ningwa ookopi pomahala ga yooloka – mwa kwatelwa wo Oombelewa dhUuministeli wUuyuuki nopoNBC.Okwa li kwa ningwa omakonakono kutya oshe ende ngiini omadhina ngaka ga ye miikaha yo Swapo, ihe Okomisi yOmahogololo oya tsikile nokulongekidha omahogololo ga Muthiya, ngoka ga li ge na okuningwa momasiku 29 ga Febuluali.Ombapila yomadhina gaahogololo pOmutgiya oya li ya egulikila okukonakonwa koongundu dhopapolitika mOmpangu ya Mengestrata pOndangwa okuza momasiku 12 ga Febuluali, ihe manga asghike ku na omasiku gatatu omahogololo ga ningwa, Swapo okwa li e li ta pataneke omadhina 12 (ta ti kutya aantu mbaka kaye shi aakalimo yomOmuthiya na omadhina gawo oga yakelwa mo).Paveta, Mengestrata oku na okupewa omasiku 15 a pulakene ku mboka omadhina gawo taga patanekwa.Ngele nee Mengestrata a ningi etokolo kutya aantu mbaka oye li shili aakalimo yomOmuthiya nenge aawe, Okomisi yOmahogololo opo ashike tayi vulu okuya komeho nomahogololo.Inaku monika natango uuyelele kutya omolwashike aaniilonga mbeyaka yatatu nayo ya tulwa wo pevi.Nande ongaaka, oonzo dhomauyelele odha popi kutya Kanime haye awike a talwa omeho moshinima shika – ihe oshinima osha talelwa mendopo lyomahogololo ngaka, moka ayehe ya li aanani yago.Kanime okwa li a popi mEtitano aantu yamwe mOkomisi yOmahogololo oye na mo sha mekutho lye miilonga pakathimbo.Okwa uvaneke kutya ota ka taamba ko omakonakono kehe taga ka ningwa po.