Omukuluntu gwEtanga lyomomabda lya Zim a yahwa

HARARE – Omukuluntu gwEtanga lyOmombanda lya Zimbabwe noku li wo kuume kOmupresidende Robert Mugaba okwa yahwa nokweehamekwa moshiningwanima shonkambadhala yokuumba ko Epangelo pehulilo lyomwedhi gwa i ko.

Ominista yIikwameni Kembo Mohadi okwa ti eyaho lya Marshal Perence Shiri mOlyomakaya olya fa lya ningwa nelalakano okweeta omakuyunguto moshilongo.
Pethimbo ndika, Zimbabwe oku li ta nana nondatu kombinga yuuhupilo noku li wo a ponokelwa komukithi gwOkolela, ngoka gwa dhiapaga aantu taya ihilile peyuvi limwe.
Ongundu yompilamena yo Movement for Democratic Change (MDC) oya ti kutya Komanda Shiri okwa li e lile komeho iikonga yokupiyganeka onkalo pethimbo lyomahogololo gOpaupresidende ngoka ga li moshilongo shika mu June nuumvo, shoka sha ka eta omuwiliki gwa MDC Morgan Tsvangirai a tinde okukutha ombinga mugo. Pethimbo ndika, Shiri oku li ta mono epango mOshipangelo mu Harare. Omasiku ga zi ko, Epangelo lya Zimbabwe olya popi kutya Botswana oku li ta dheula aantu ya ka umbe ko Epangelo lya Mugabe koshipundi.
Shiri okwa li a yahwa manga a li e li mondjika u uka kofaalama ye, ndjoka ya li ya kuthwa omunafaalama gwomutiligane momumvo 2000 pethimbo lyoprograma yetopolululo lyevi ya Zimbabwe.
Botswana na MDC ayehe oya ekelahi omapopyo kutya opu na aantu taya dheulwa ya ka umbe ko Epangelo lya Mugabe. – Nampa-Reuters