Omukulukadhi gwokOmuntele a adhika a lala mondjila a lyatwa kohauto nokusa, uutekulu wa hupa moshiponga

O MUKULUKADHI gwoomvula 46 gwomomukunda Elayi mOmuntele mOndonga mOshitopolwa sha Shikoto meme Theopolina Haka Petrus okwa si eso lyombaadhilila ongula yOmaandaha sho a lyatwa kohauto.

Otaku tiwa kutya nakusa Theopolina okwa adhika a lala mondjila yiihauto mokuti momukunda Okwanza mOmuntele tuu moka, e li nuutekulu we uyali okamati nokakadhona woomvula ndatu nane lwaampoka. Kamwe komuutekulu we mbuka oka ehamekwa kashona kohauto omanga kamwe inaka ningwa nande osha.Ehokololo otali ti kutya meme Theopolina nuutekulu we mbuka uyali, oya yile ya ka talele po aakwanezimo yawo komukunda gu li muushiinda shOmuntele.Sho ya galuka ko nee mOsoondaha ndjika ya zi ko, oye ya puundingosho wu li ngaa nawo momuntele moka.Otaku tiwa kutya meme Theopolina aniwa sho a talaleke nawa ontulo ye nashoka sha li tashi nuwa poondingosho mpoka, oyi itula ondjila yokuya kegumbo lyawo komukunda Elayi nuutekulu we mboka uyali.Osha fa kwa li ka toka.Sho ngaa ya ende ko oshinano okuya kegumbo, taya ende mokandjila kiihauto komiihwa, meme Theopolina aniwa okwa lombwele uutekulu we kutya okwa loloka nokwa pumbwa okuvululukwa po.Iimbale ye okwe yi tula pevi mondjila nokwa lala mondjila ashike moka.Uutekulu we nawo owa lala pooha dhayinakulu mpoka noya kothele mondjila yiihauto moka, ya vululukwe po nombili.Nani oomposi dha meme Theopolina dha kaninga oontoye nokwa kotha thilu, a fa e li megumbo.Ongula onene yohela omusamane gumwe gwomomukunda ngoka Okwanza okwa li e na okumeneka, tayi kokuma nokwa li nee e na okweendela mondjila moka mwa lala meme Theopolina nuutekulu we.Mokuhinga ohauto ye, okwa ka papala ashike e li mumwe naantu ya lala nokwa lyata meme Theopolina nokusa.Uutekulu wa meme Theopolina owa adhika inau lala mondjila thiluthilu nopwa kwandjulwa ashike kamwe kashona kohauto ndjoka omanga kakwawo inaka ningwa nande osha kuyo.Yinakulu a sa moshiponga shika wo tau hupu mo.Opolisi otayi gandja omakumagidho kaakalimo kutya naku nuwe ngaa nawa, nange omuntu owa nu, ino lala nokukothela mokuti, moondjila dhiihauto, oto lyatwa nokusa ngeyi.Kamwe komuutekulu we mbuka oka ehamekwa kashona kohauto omanga kamwe inaka ningwa nande osha.Ehokololo otali ti kutya meme Theopolina nuutekulu we mbuka uyali, oya yile ya ka talele po aakwanezimo yawo komukunda gu li muushiinda shOmuntele.Sho ya galuka ko nee mOsoondaha ndjika ya zi ko, oye ya puundingosho wu li ngaa nawo momuntele moka.Otaku tiwa kutya meme Theopolina aniwa sho a talaleke nawa ontulo ye nashoka sha li tashi nuwa poondingosho mpoka, oyi itula ondjila yokuya kegumbo lyawo komukunda Elayi nuutekulu we mboka uyali.Osha fa kwa li ka toka.Sho ngaa ya ende ko oshinano okuya kegumbo, taya ende mokandjila kiihauto komiihwa, meme Theopolina aniwa okwa lombwele uutekulu we kutya okwa loloka nokwa pumbwa okuvululukwa po.Iimbale ye okwe yi tula pevi mondjila nokwa lala mondjila ashike moka.Uutekulu we nawo owa lala pooha dhayinakulu mpoka noya kothele mondjila yiihauto moka, ya vululukwe po nombili.Nani oomposi dha meme Theopolina dha kaninga oontoye nokwa kotha thilu, a fa e li megumbo.Ongula onene yohela omusamane gumwe gwomomukunda ngoka Okwanza okwa li e na okumeneka, tayi kokuma nokwa li nee e na okweendela mondjila moka mwa lala meme Theopolina nuutekulu we.Mokuhinga ohauto ye, okwa ka papala ashike e li mumwe naantu ya lala nokwa lyata meme Theopolina nokusa.Uutekulu wa meme Theopolina owa adhika inau lala mondjila thiluthilu nopwa kwandjulwa ashike kamwe kashona kohauto ndjoka omanga kakwawo inaka ningwa nande osha kuyo.Yinakulu a sa moshiponga shika wo tau hupu mo.Opolisi otayi gandja omakumagidho kaakalimo kutya naku nuwe ngaa nawa, nange omuntu owa nu, ino lala nokukothela mokuti, moondjila dhiihauto, oto lyatwa nokusa ngeyi.