Omukulukadhi a dhitikwa meso lyomusamane gwe

O MUKIINTU gwoomvula 38 okwa dhitikwa nokuningilwa oshipotha shedhipago lyomusamane gwe konima sho a li a dhitikwa mOlyomakaya ga zi ko.

Jeanette Julius okwa ningilwa oshipotha shedhipago lyomusamane gwe Henry Julius nosho wo okuya uuyuuki moshipala. Okwa li a holoka mOmpangu ya Mengestrata lwotango mOmaandaha goshiwike shika poKeetmashoop.Omudhimba gwa Julius ogwa li gwi itsuwa popipi nondjila yeshina lyokolutenda mEtitatu lyoshiwike sha zi ko.Pauyelele womakonakono ngoka ga ningwa po, ngoka wo ge li momake goThe Namibian, omudhimba gwa Julius ogwa adhika niilalo omulongo niiyali (12) montulo ye – omanga omunino gwe gwatetwa okuza kokutsi sigo okokutsi okukwawo.Mokati koombele ndhoka dhemu ningi iilalo mbyoka 12 montulo, oombele mbali odha thiki komutima gwe.Olopota yomakonakono oga popi wo ngeyi kutya iilalo yoombele nosho wo ekanitho lyombinzi oyindji noonkondo oyo ya etitha eso lye.Omukulukadhi gwa Julius okwa pewa elombwelo kuytya ota kala manga konima yekumba sigo otaku ka ningwa eindilo lyobooloha ndyoka tali ka ningwa momasiku 20 Maalitsa mOmpangu ya Mengestrata.Omutamanekwa pamwe naye Kevin Adams gwoomvula 31 ngoka kuniwe eitaalo ndika kutya oye ohonda ye, okwa li a tindilwa wo obooloha pethimbo a holoka mOmpangu ya faathana oshiwike sha zi ko.Papeko lyOmpangu, aafekelwa mbaka yaali otaya ka holoka natango mOmpangu ya faathana momasiku 5 gaMei nuumvo.Omatamaneko ngoka ga ningilwa meme Julius ge na sha nokuya uuyuuki moshipala, osho a yogo iikutu ya nakutamanekwa pamwe naye mbyoka ya li yi na oombinzi dha zi pedhipago lya nakusa.Oshinima oshikwawo, osho shoka kutya omukulukadhi nguka okwa li a holeke nakutamanekwa pamwe naye kohi yombete megumbo moka ayehe yaali ya adhikile pethimbo ndyoka.Okwa li a holoka mOmpangu ya Mengestrata lwotango mOmaandaha goshiwike shika poKeetmashoop.Omudhimba gwa Julius ogwa li gwi itsuwa popipi nondjila yeshina lyokolutenda mEtitatu lyoshiwike sha zi ko.Pauyelele womakonakono ngoka ga ningwa po, ngoka wo ge li momake goThe Namibian, omudhimba gwa Julius ogwa adhika niilalo omulongo niiyali (12) montulo ye – omanga omunino gwe gwatetwa okuza kokutsi sigo okokutsi okukwawo.Mokati koombele ndhoka dhemu ningi iilalo mbyoka 12 montulo, oombele mbali odha thiki komutima gwe.Olopota yomakonakono oga popi wo ngeyi kutya iilalo yoombele nosho wo ekanitho lyombinzi oyindji noonkondo oyo ya etitha eso lye.Omukulukadhi gwa Julius okwa pewa elombwelo kuytya ota kala manga konima yekumba sigo otaku ka ningwa eindilo lyobooloha ndyoka tali ka ningwa momasiku 20 Maalitsa mOmpangu ya Mengestrata.Omutamanekwa pamwe naye Kevin Adams gwoomvula 31 ngoka kuniwe eitaalo ndika kutya oye ohonda ye, okwa li a tindilwa wo obooloha pethimbo a holoka mOmpangu ya faathana oshiwike sha zi ko.Papeko lyOmpangu, aafekelwa mbaka yaali otaya ka holoka natango mOmpangu ya faathana momasiku 5 gaMei nuumvo.Omatamaneko ngoka ga ningilwa meme Julius ge na sha nokuya uuyuuki moshipala, osho a yogo iikutu ya nakutamanekwa pamwe naye mbyoka ya li yi na oombinzi dha zi pedhipago lya nakusa.Oshinima oshikwawo, osho shoka kutya omukulukadhi nguka okwa li a holeke nakutamanekwa pamwe naye kohi yombete megumbo moka ayehe yaali ya adhikile pethimbo ndyoka.