Omukiintu a kwatwa po shi na sha neso lyomusamane gwe

M EME gwoomvula 45 gwomomukunda Onaame mOukwanyama mOshitopolwa sha Hangwena okwa kwatwa po kOpolisi yEenhana shi na sha neso lyomusamane gwe tate Simon Shileka gwoomvula 58, a tseyika wo nawa nedhina Mhani.

Mokukoleka oshinima shika, Komanda gwOpolisi mOshitopolwa sha Hangwena, Komufala gwOpevi gwOpolisi, Armas Shivute okwa ti kutya meme Rosalia nomusamane gwe Simon oya li taya nyenyeta ongulohi yeti 2 Septemba 2006 megumbo lyawo. Meme Rosalia aniwa okwa kutha oshiti noku shi dhenga omusamane gwe Simon momutse nokugwila po.Aanona oya endele ya ka tale aashiinda, na tate Simon okwa endelelithwa nokufalwa kOshipangelo sha Eenhana hoka a lundululilwa wo meendelelo kwaashoka oshinene sha Nandjokwe.Konandjokwe okwa ningi ko ashike esiku limwe nokwa hulitha meti 4 Septemba 2006.Meme Rosalia okwa kwatwa po nee kOpolisi yEenhana noku mu patululila oshipotha shedhipago.Okwa holokele meti 6 Septemba 2006 mOmpangu ya Mengestrata pEenhana.Ina pulwa a tye sha koshipotha she shika noshuundulilwa keti 1 Novemba 2006 omolu omakonaakono.Otaku tiwa kutya shika oshikando oshitiyali momukunda ngoka Onaame tamu dhengwa omusamane komukulukadhi gwe nokusa, molwashoka momumvo 2001, meme gwoomvula kwali 42 Hilma Petrus okwa kwatelwe po shi na sha neso lyomusamane gwe Elia Thomas gwoomvula kwali 57.Kwali wo taku tiwa kutya okwe mu dhenga noshiti ndele ta si.Ashike sho meme Hilma nguka a kala ta pangulwa molwoshinima shika, Ompangu oye ke mu mona kutya ke na ondjo musho nokwa ethiwa.The Namibian okwa kundana kutya aasamane nenge tutye aalumentu yomomukunda ngoka Onaame kaye uvite we ombili omolu oomeme taya dhenge okusa aasamane yawo.Aalumentu yaahoka taya indile kOmpangu yi tale po nawa mpoka, unene tuu okugandja omageelo gakwata miiti koomeme mboka taya ningi ngawo.Meme Rosalia aniwa okwa kutha oshiti noku shi dhenga omusamane gwe Simon momutse nokugwila po.Aanona oya endele ya ka tale aashiinda, na tate Simon okwa endelelithwa nokufalwa kOshipangelo sha Eenhana hoka a lundululilwa wo meendelelo kwaashoka oshinene sha Nandjokwe.Konandjokwe okwa ningi ko ashike esiku limwe nokwa hulitha meti 4 Septemba 2006.Meme Rosalia okwa kwatwa po nee kOpolisi yEenhana noku mu patululila oshipotha shedhipago.Okwa holokele meti 6 Septemba 2006 mOmpangu ya Mengestrata pEenhana.Ina pulwa a tye sha koshipotha she shika noshuundulilwa keti 1 Novemba 2006 omolu omakonaakono.Otaku tiwa kutya shika oshikando oshitiyali momukunda ngoka Onaame tamu dhengwa omusamane komukulukadhi gwe nokusa, molwashoka momumvo 2001, meme gwoomvula kwali 42 Hilma Petrus okwa kwatelwe po shi na sha neso lyomusamane gwe Elia Thomas gwoomvula kwali 57.Kwali wo taku tiwa kutya okwe mu dhenga noshiti ndele ta si.Ashike sho meme Hilma nguka a kala ta pangulwa molwoshinima shika, Ompangu oye ke mu mona kutya ke na ondjo musho nokwa ethiwa. The Namibian okwa kundana kutya aasamane nenge tutye aalumentu yomomukunda ngoka Onaame kaye uvite we ombili omolu oomeme taya dhenge okusa aasamane yawo.Aalumentu yaahoka taya indile kOmpangu yi tale po nawa mpoka, unene tuu okugandja omageelo gakwata miiti koomeme mboka taya ningi ngawo.