Omukiintu a kwatwa koonkondo omutenya

OMUKIINTU gwoomvula 21 okwa kwatwa koonkondo omutenya gwaankala pooha dhondjila yimwe ya simana po Swakopmund mEtine lya zi ko.

Omugandjimulombo gwOpolisi moshitopolwa sha Erongo, Konstabel Moses Hanse, okwa ti omukiintu nguka okwa li ta ende popepi nOhotela ya Seagull’s lwopotundi ontimulongo ongula yOsoondaha, sho omulumentu gumwe e mu shambakatele, e te mu lombwele kutya ote mu dhipaga ngele okwa kugu.Okwe mu hilile nee aniwa miihwa yimwe, moka a li e ke mu pondele sigo ta kala ke shi mpoka e li. Omulumentu nguka okwa li nee aniwa a hula omukiintu nguka e te mu lala manga ke shi mpoka e li.Sho nee omukiintu nguka a galuluka, okwa li a mono kutya oku li owala na okalyenge keke, ongodhi yOselula noshimaliwa she osha yakwa po. Hanse okwa ti omuniilonga momatungo a li ta longo popepi naampoka pwa longelwa oshikoya shika, okwa li I itsu omukiintu nguka e ta ithana Opolisi meendelelo. ‘Aakiintu naanona yatu kaye li megameno, kutya nee ethimbo lyomutenya,’ Hanse ta popi ngaaka.