Omuhingi gwotaxi a dhipagwa mOvenduka

O MUHINGI gwotaxi gumwe mOvenduka okwa yahwa okusa kokastamba ye mondjila onene okuya koDaan Viljoen lwopotundi onti 18h00 komatanga gEtitatu lyoshiwike shika.

Omuhingi nguka okwa yahelwa pomatsakaneno gondjila ya Otjomuise, shoka sha eta nee otaxi ndjoka yi kiidhenge mokambesa koVW. Ookatalekonawa otaya hokolola kutya Isakar Hango okwa li ta zi kOtjomuise.Okwa li owala a humbata omuntu gumwe ngoka a li a kuutumba koshipundi shokonima.Omuhingi gwokakombi hoka koVW, Peter Andraschko okwa li ta zi kombinga yoPaark ya Daan Viljoen pondje ya Venduka, sho ohauto ya Hango ya kanitha okondolola nokwiidhenga nee mu ye ngaaka.Omulumentu gumwe ngoka ina dhimbululwa okwa nuka mo hauto ya Hango e ta nenapo sho a fadhukile miihwa yopopepi, Andraschko ta lombwele ngaaka The Namibian mEtitatu konima owala yoshiningwanima.Hango opo owala a sila mpoka nokwa yugwa aniwa.Inaku monika naanaa uuyelele kutya Hango okwa yugwa naanaa shike nenge iinima yongushu yi thikepeni.Opolisi ya Namibia ndjoka ya matukile kehala lyoshiningwanima hoka oya tumu mbala aanambelewa yawo momahala gopomudhingoloko, ihe sigo opethimbo oshinyolwa shika tashi yi koshinyanyangidho kapwa li pwa dhitikwa manga omufekelwa moshiningwanima shika.Omumwayina gwa Hango gwedhina Tobias Thomas Hango, okwa li ta monika a dhengwa pevi keso lyomumwayina lyombaadhilila.Otaku hokololwa ngeyi kutya mumwayina nguka okwa thiki pehala mpoka konima owala yokathimbo.”Ngele owa yaha ootsotsi nenga ongoye wa puka.Ngashiingeyi tala nee,” ta endulula ngaaka omatumbululo ngoka pethimbo lyengungo lyaantu mboka ya li ye ya okutala.Ookatalekonawa otaya hokolola kutya Isakar Hango okwa li ta zi kOtjomuise.Okwa li owala a humbata omuntu gumwe ngoka a li a kuutumba koshipundi shokonima.Omuhingi gwokakombi hoka koVW, Peter Andraschko okwa li ta zi kombinga yoPaark ya Daan Viljoen pondje ya Venduka, sho ohauto ya Hango ya kanitha okondolola nokwiidhenga nee mu ye ngaaka.Omulumentu gumwe ngoka ina dhimbululwa okwa nuka mo hauto ya Hango e ta nenapo sho a fadhukile miihwa yopopepi, Andraschko ta lombwele ngaaka The Namibian mEtitatu konima owala yoshiningwanima.Hango opo owala a sila mpoka nokwa yugwa aniwa.Inaku monika naanaa uuyelele kutya Hango okwa yugwa naanaa shike nenge iinima yongushu yi thikepeni.Opolisi ya Namibia ndjoka ya matukile kehala lyoshiningwanima hoka oya tumu mbala aanambelewa yawo momahala gopomudhingoloko, ihe sigo opethimbo oshinyolwa shika tashi yi koshinyanyangidho kapwa li pwa dhitikwa manga omufekelwa moshiningwanima shika.Omumwayina gwa Hango gwedhina Tobias Thomas Hango, okwa li ta monika a dhengwa pevi keso lyomumwayina lyombaadhilila.Otaku hokololwa ngeyi kutya mumwayina nguka okwa thiki pehala mpoka konima owala yokathimbo.”Ngele owa yaha ootsotsi nenga ongoye wa puka.Ngashiingeyi tala nee,” ta endulula ngaaka omatumbululo ngoka pethimbo lyengungo lyaantu mboka ya li ye ya okutala.