Omugundjuka a sa mohauto omanga yatano ya ehamekwa

O POLISI yomOshitopolwa sha Hangwena oya lopota kutya omugundjuka gwoomvula 27 gwomomukunda Oshigambo mOndonga mOshitopolwa sha Shikoto, Abed-nego Tulinane Nantinda, okwa mana oondjenda dhe ombaadhilila omutenya gwOsoondaha ya zi ko sho ohauto yawo ya kandomene pomukunda Omutwewomunhu mondjila onene yopokati kEenhana nOkongo mUukwanyama mOshitopolwa sha Hangwena.

Komanda gwOpolisi mOshitopolwa sha Hangwena, Komufala gwOpevi gwOpolisi Armas Shivute, ngoka a koleke oshiponga shika, ta ti kutya nakusa Nantinda mohauto ndyoka oya li mo na yakwawo yatano, Elton Iimene (omuhingi), Ester Kakwambi, Hana Nelenge, Katrina Kapolo na Oscar Shikongo (28). Ayehe yatano mboka ya hupu moshiponga shika, Komanda Shivute okwa ti kutya oya falwa meendelelo koshipangelo shEpangelo sha Shakati, hoka ye li taya mono epango.Komanda gwOpolisi mOhangwena Shivute, ta ti kutya Opolisi ya Kongo oya patulula oshipotha shedhipago lyaashi lyoshiningilawina noyi li nee tayi konakona shoka sha etitha oshiponga shoka.Shivute ota ti kutya pamakonakono ngoka ya ninga po manga gosheendelela, osha fa shi li ngeyi kutya nakuhinga ohauto ndjika, yonomola N8887WB, okwa kanitha okondolola yohauto ye e tayi kandoma.Ayehe yatano mboka ya hupu moshiponga shika, Komanda Shivute okwa ti kutya oya falwa meendelelo koshipangelo shEpangelo sha Shakati, hoka ye li taya mono epango.Komanda gwOpolisi mOhangwena Shivute, ta ti kutya Opolisi ya Kongo oya patulula oshipotha shedhipago lyaashi lyoshiningilawina noyi li nee tayi konakona shoka sha etitha oshiponga shoka.Shivute ota ti kutya pamakonakono ngoka ya ninga po manga gosheendelela, osha fa shi li ngeyi kutya nakuhinga ohauto ndjika, yonomola N8887WB, okwa kanitha okondolola yohauto ye e tayi kandoma.