Omugoyi poGobabis oya edhililwa natango

OSHIPOTHA shaafekelwa yeli omugoyi ta ya kwatakanithwa neyugo kwa homatwa osha undulilwa komeho sigo omomasiku 24 ga April nuumvo.

Oshipotha shika oshuundulilwa komeho opo aapolisi ya tsikile omakonakono gawo. Aafekelwa ayehe mbaka oye li mondholongo natango.Aafekelwa omugoyi ota ya fekelwa eyugo kwa homatiwa, na kehe gumwe gwaambaka ota hokololithwa omatamaneko gatatu. Ngaka ogo, eyugo, okukala nondjembo niikuti yayo, nokuulika ondjembo noshowo wo okuteya egumbo nelalakano lyokuyaka nuufuthi. Aafekelwa, Barbara, Kaovere, Mutota Israel, Josef Hamukuyu, Erastus Nangolo na Joseph Katunohange oya li aniwa ya fadhukapo okuza pehala mpoka ya li ya yugu okandingosho pOtjinene, mOmaheke. Mbaka aniwa oya li ya fadhukapo yuuka ombinga yoko Waterberg hoka ya tsakanekwa kopolisi. Pethimbo ya li mondapo opolisi oya kwatapo aantu yatano nonando mbaka oya li ya kambadhala oku matukila miihwa oku za miiyenditho yawo.Opolisi oya kwata po woo aahingi yootekisa yaali opamwe naamboka ya li ta ye ya kwathele. Okwa tengenekwa kutya mbaka oya li ye na oku ka kutha aantu mbaka ya li fadhukapo oku ya londeka oku za pehala mpoka ya li ya holama oku ya fala kulwe ku na egameno hoka opolisi itaa yi ya mono andola. Oonkwatwa ndhika ne odho Julius Amunyonge, Napoleon Katumbe, Wilhelm Abisai, na Agapitus Agapitus.Opolisi ota yi konakona iiningwanima yomayugo yilwe mbyoka ta yi fekelelwa mbaka.