Omugavena gwaHardap Katrina Hanse Himarwa ke na ndjo

MENGESTRATA gwopashitopolwa okwa ti gavena gwa Hardap me Katrina Hanse Himarwa ke na ondjo momatamaneko ge mu ningilwa komeho gompangu.

Alfred Siboleka okwa mangulula omutamanekwa nguka konima yiihokolola yomasiku gatatu ta yi lundile Hanse Himarwa kutya okwa longa uulingilingi.Petameko lyiihokolola mompangu ya mengestrata poMalinda momaandaha me Hanse Himarwa okwa ti ye ka na ondjo momatamaneko gaali guulingilingi ngoka a ningilwa.Mesiku olyo tuu ndyoka omutamaneki gwepangelo okwa tokola a ethe etamaneko nefekelo lyuulingilingi sho a dhimbuluthwa komupopiliko gwopampango gwa Hanse Himarwa, Sisa Namandje kutya, eyono ndyoka olya ningwa 2004 omanga ompango yoku keelela uulingilingi ya tulwa miilonga mo 2005. Etamaneko ndyoka lya ekelwahi oondyoka li na sha noku indila oodola 3 290 okuhondjitha omalapi gopomakende gegumbo lye lyopambelelwa, naashoka aniwa ye, alondeke ondando yomalapi ngaka na okwa gandja woo iilonga mbika komukwanezimo lye Lydia Goeieman opo a longe po iilonga mbika.Metitatu aayambidhidhi ya Hanse Himarwa oya li ya nyanyukwa sho mengestrata Alfred Siboleka a gandja etokolo lye ketamaneko ndyoka lya hupuko, li na sha noodola 2 000 dha za moshiketha shomainyanyudho shelelo lya Hardap. Siboleka okwa ti ina vula oku mu mona ondjo paumbangi mboka wu li komeho gompangu.Mokupopya kwe metiyali omutseyimpango gwa Hanse Himarwa, Sisa Namandje okwa indile ompangu yi mangulule omugamenwa gwe shaashi ka pwa li nando ombangi yimwe ndjoka ya ulike kutya Hanse Himarwa okwa longitha po iimaliwa mbyoka, ya li ya nuninwa oparty yo Krismesa yaakulupe molwa yemwene.