OMULUMENTU gumwe ta fekelwa meyako lyiimuna yongushu yoodola 250 000 okwa kwatwa kopolisi, nokuholoka mompangu ya mengestrata omaandaha.
Omufekelwa John Thitjoro Mwambu [27] otaku tiwa oku na mo olunyala muufuthi wiimuna yomaludhi, mwakwatelwa oongombe 42, oonzi 12, iikombo 10 noonkambe mbali. Uufuthi mbuka aniwa owa ningilwa pofaalama yedhina Goeie Hoop momudhingoloko gwa Gobabis kuyele omwedhi nguka. Pahapu dhomukonakoni gwoshipotha shika, Herman van Wyk, Mwambu okwa li omuniilonga pofaalama ndjoka ndele okwa manga iinguma ye nokufadhuka po konima ashike aniwa sho omuhona gwe nale emu tsethile kutya iimuna yimwe ka yi wetike. Opolisi oya kwatapo Mwambu mefekelo lyuufuthi wiimuna ye mwaadha pOtjiwarongo, komatango getine lyayi. Ota ku tiwa nguka okwa kwatwa mekwathelo lyomuniilonga omukwaw nale. Van Wyk okwa ti na ku gandja uuyelele nguka edhina lye ita li tumbulwa na ina tali ka ko ongo omufekelwa natango. Okwa ti omakonakono oga nenepekwa oku konga omutse omunene ngoka tagu wilike uufuthi mbuka, oshoka opolisi otayi fekele kutya Mwambu oye awike ita vulu okuyaka iinamwenyo mbika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
