OPOLISI oya kwata omufekelwa omutiyali monkambadhala yedhipago neyugo lyomunangeshefa, Dries de Jager muumbangalantu waVenduka omaandaha.
Omufekelwa gwoomvula 38 oye aniwa a li ta hingi osheenditho shoka sha longithwa okuza pehala mpoka konima sho ooyakwawo yaali mboka ya yugu nakusa De Jager omwaalu gwoodola 200 000 mbyoka ya li oondjambi dhaaniilonga ye sho ye mu yaha mombunda.De Jager (68) mwene gwehangano lyaagameni lyedhina HAMS okwa hulitha sho a thiki poshipangelo.Omufekelwa gumwe okwa li a yahwa metundji sho omugameni gumwe gwa Hams eya tidha.Iimaliwa mbyoka ya yakwa oya adhika miikaha yaanguka.Okwa mangwa, nokuli natango moshipangelo metonatelo lyopolisi.Omufekelwa omutiyali okwa matukile kosheenditho shoka sha favukapo.Opolisi oya lombwele oThe Namibian kutya omuhingi nguka okwa kwatelwa pehala ha li ithanwa BJ Motrs moKatutura pethimbo lyomwiha.Osheenditho sho BMW ina shi monika natango, ndele opolisi otayi ti osheenditho shika ota shi vulika osho sha longithilwe meyugo lyopo Fruit and Veg City moVenduka omwedhi gwa yi.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
