Omufekelwa medhipago mohofa

OMUFEKELWA miihokolola yedhipago nekatana noshowo oku yuga omukulupe momudhingoloko gwa Tavi okwa ti kena ondjo moshinima shoka.

Abisai Ndaumbwa ota hokololithwa mohofa yOpombanda mOshakati kutya oye tashi vulika a eta eso lyomukulupe Waltraut Volkmann, pofaalama ya Jakkalomuramba momasiku omu 9 g Juni 2009. Ndaumbwa ota ku tiwa okwa ponokele nakusa Volkmann nekatana megumbo lye kongulohi yesiku ndyoka.Kuyele sho a holokele mohofa miihokolola oyo tuu mbika Ndaumbwa okwa li a zimine kutya okwa dhipaga Volkmann nekatana, a ti okwe mu tete lumwe kokwaako, nalwaali komutse nekatana, ndele okwa tile kali a tegelela shoka a ningi tashi fala meso lyomukulupe ngoka.Ndaumbwa ngashingeyi otiikala oshinima shoka nokwa hala shaa talike ongo uumbangi mboka tawu vulu oku longithwa oku mu monikitha ondjo mohofa. Epangelo ota li ti Ndaumbwa okwa iyakele megumbo lya nakusa Volkmann a pitile mekende eta ponokele Volkmann nekatana noku ya ka mo iinima mwa kwatelwa iikutu, ocellphona, okompiuta, niimaliwa yoodola 320-50. Opolisi ota yi ti omufekelwa okwa talika ngiika oye a longo iilonga mbyoka oshoka sho a kwatwa okwa adhika niinima yimwe yomukulupe ngoka puye. Ndaumbwa ota pataneke uumbangi mbuka a ti ye ongulohi sho oshiningwanima shoka sha ningwa ye okwa li pOtavi, nokuza mpoka okwa ende oshinano oku ya kofaalama ya Sargberg hoka a ka kwatelwa kopolisi.Ndaumbwa ota tsikile oku hokololithwa komeho gomupanguli Marlene Tommasi, mOshakati.