Omudhindi gwopevi gwopo Informante a tidhwapo

AANIILONGA yaali yopombanda moshikundaneki Informante oya thigipo iilonga.

Ezo miilonga lyaambaka yaali oli nasha nehokololo ndyoka ya shangele kombinga yehilathano pokati ka Trustco’ na Econet ehangano lyoongodhi dhopeke ndyoka hali longele kumwe naTrustco moZimbabwe. O The Namibia oya kundana koonzo dhi shi kwiinekelwa kutya omudhindi gwiinyolwa gwopevi, Elizabeth M’ule okwa tidhwa miilonga omanga omutoolinkundana omukuluntu, Brigitte Weidlich okwa thigipo iilonga kuyemwene. Ehangano lya Trustco olya koleke ezo miilonga lya Weidlich, ndele olya tindi okutya sha ngele M’ule okwa tidhwa nenge hasho. Aatoolinkundana mbaka inaya vula okupopiwa nayo opo ya tye sha koshinima shika.Oshifo sha Informante omathimbo gapiti osha li sha tula pevi omutoolinkunda Weidlich molwehokololo lye kombinga yeuvathano lyiilonga yoongodhi dhopeke pokati ka Trustco na Econet Wireless ndyoka lya yonuuka. M’ule okwa geelwa molwaashoka okwa pitika ehokololo ndyoka li nyanyangidhwe.Oshinima shika osha li sha geyitha ehangano lyiikundaneki muumbugantu wAfrica[MISA], ndyoka lya ti Trustco ota manga aatoolinkundana komilungu, Misa okwa ulike kutya oshinyolwa shoka kasha li sha shangwa shaali pamikanka nenge paumuthika gwiilonga yaatoolinkundana.Pethimbo oshinyolwa shika sha yi komanyanyangidho omukuluntu gwoonkundana gwa Informante, John va eerden kali a monika opo a tye sha kehokololo ndika.M’ule aniwa okwa tidhwa nando okwa monika ashike ondjo metamaneko limwe lyomomatamaneko gatatu. Weidlich okwa pewa elondodho lyahugunina sho naye ali ashike a monika ondjo metamaneko limwe alike, ye ina pewa elondodho nando olumwe.