Omu Israel a futithwa oodola 50 000 kombinga yuuwe ina u hongwa

ETALELOPO lyopaunangeshefa koNamibia konyala lya endele nayi omunangeshefa guuwe gumwe omuIsrael oshiwike sha yi. Omukiintu omunangeshefa mokulonga nokawe okwa kwatwa a tamanekwa na okwa futithwa oodola 50 000.

Ekwato lye olya landula sho aniwa a eta uuwe inaau hongwa moshilongo keena ombapila okushininga.Sho a holoka mompangu ya mengestrata gwaVenduka, Avital Ben Bikovsky[43] okwa zimine ondjo ye, kutya okwa eta mo okawe moNamibia inaa ka hongwa kee na ombapila yoku ka etamo.Omayono ngaka oga ningwa etiyali lyoshiwike sha yi, na omwaalu guuwe mboka wa adhika na Bikovsky owu li 272, wondjundo yookarata 348,75 nowu na ongushu yoodola 15 613,03. Bikovsky okwa kwatwa metitatu lya ziko.Sho a holoka mompangu komeho gamengestrata, Jermaine Muchali metine lyaziko, omupopiliko gwe gwopampango, Profysen Muluti okwa lombwele ompangu kutya Bikovsky okwa longa moshikondo shokawe uule womimvo 10 na okwe ya koNamibia, molweendo lwopangeshefa oshiwike sha yi. Shika osho oshikando she shotango okutalelapo evi ndi, Muluti a ti.Bikovsky okwa zimine kutya kena ombapila yokweeta mo okawe noshowo epitikilo lyokukala nuuwe inau hongwa.Onzo oya ulike kutya Bikovsky okwa li a talelepo omahala gokuhonga uuwe moNamibia nelalakano oku ya ulikila shoka ha landitha. Ye oha landitha iipumbiwa mbyoka ha yi longithwa moku honga okawe.Oshipakete shi na uuwe inaau hongwa wo kaa wu shi wongushu onene, osho shimwe shiinima mbyoka a ulike, kutya ota vulu okulanditha komahangano ngaka naashika osha fala sigo oompoka kutya a kwatwe eta tamanekwa.Okwa zimine ondjo ye momatamaneko ngaka.Omutseyimpango gwe okwa ti Bikovsky omukulukadhi ena aanona yatatu, na oku uvite nayi kepuko ndika a ningi sho inaa tseyitha kutya oku na uuwe.Muluti okwa thaneke kutya omuyakulwa gwe na pewe egeelo lyokufuta oodola omayovi 10000 momatamaneko ngoka gaali.Omweeti gwoshipothan Phineas Nsundano okwa ti oshikondo shuuwe oshikondo shasimana moNamibia, na okwa ti omutamanekwa nguka na geelwe pakufutithwa oodola 100 000, nenge oomvula hetatu mondholongo molwa omapogolo ngoka gaali.Egeelo lyopombanda omutamanekwa ta pewa pa utho lyompango yokawe olyo okufutithwa oodola omiliona yimwe nenge okukala mondholongo oomvula 20.Mengestrata Muchali okwa geele Bikovsky sho a ti na fute oodola 25 000 mukehe etamaneko. Iimaliwa mbika oya futwa nale metine lya ziko.