Ompangu ya tindila Warner ombooloha

OMUKIINTU omugundjuka gwomOvednuka, ngoka a lopotelwa eyakopo lyoshimaliwa shOondola dha Amerika shomulumentu gwomwAangola, okwa tindilwa ombooloha sho a holoka mOmpagu mOmaandaha.

Frieda Agnes Warner (gwoomvula 25) okwa li a kwatwa po mOsoondaha, shi na sha neyakopo lyoshimaliwa shomulumentu nguka, ngoka a li aniwa e mu ithana kuye kOhotela ya Safari.
Omugandjimulombo gOpolisi, Warrant Officer Timothy Haikonda, okwa ti sho Warner a tulwa miipandeko – okwa li a adhike noselula yomulumentu nguka.
Paendokumende dhOmpangu ya Mengestrata mOvenduka, oshimaliwa tashi ihilile pOondola dha Amerika Oondola/US$45,000 osha yakwa po moshinima shika.
Warner okwa li a holoka komeho ga Mengestrata Helvi Shilemba, ngoka a li a lombwele kOmweetipo gwiipotha kutya Carol-Ann Esterhuizen kutya Warner ina pewa ombooloha molwashoka, opu na natango omufekelwa gumwe e na okukwatwa po.
Etompelo lye limwe olyo wo ndika kutya oshimaliwa shoka sha yakwa po, ina shi monika natango. Epangelo olya tila kutya ngele Warner okwa pewa ombooloha, otashi vulika a ka piyaganeke omakonakono moshipotha shika., Esterhuizen osho a popi ngaaka.
Mengestrata Shilemba okwa li u undulile oshipotha shika komasiku 26 ga Maalitsa nokugandja elombwelo kutya Warner na kale mokakuma. Omunaveta Tabitha Mbombe oye a li omupopiliko gwa Warner.