Ompango yinasha naavalelwamo

N
AMIBIA ota ka ngongapo oveta yinasha naaval noshowo aantu mboka ye li konima yesiga. Uuyelele mbuka owa hololwa poshigongi kombinga yaavalelwamo naamboka ya dhinika. Oshigongi oshi li metifa moVenduka.

Oshigongi shika shi li melongekidho lyepangelo nehangano lyaaniilonga lyopaigwana osha tsakanene netulo puuyelele womushangwahokololo kombinga yuuthemba waavalelwa miilongo 24 yaAfrica. Oshigongi osha eta pamwe aantu ya za kiilongo ya yooloka oku kundathana omadhiladhilo, nomikalo omiwanawa okweeta ombapila yomulandu okugamena uuthemba waavelwamo yaNamibia noshowo aantu mboka ya dhinika moshilongo.Oshigongi otashi hulu metine ndika, ndele aakalelipo yaNamibia poshigongi shoka ota ya ka gongala opo ya nyole omulandu kombinga yegameno nuuthemba waantu yoludhi ndoka moshilongo.Omushangwa ngoka otagu tala etaambeko lyoohedhi dhawo, elaka lyawo, omikalo dhawo, noku ya gamena nomukalo gwa shewa. Ngele oshilongo osha tula shika miilonga nena otashi vulu oku gandja oompito kaantu mbaka opo ya vule okumona oodokumente dhopashigwana. Ndika ota dhi ya pe uuthemba oku mona omayakulo ogendji noshowo oku longitha uuthemba wawo miikwashigwana. Oshigongi osha egululwa kominista mombelewa yomuperesidende, Albert Kawana.